2 Samuel 13:4 - Nobonob Baibel

⁴ Jonadap nug hanhan oo hak nuhig am anam awawa oiyom, Amnon nug beɗu ena iitta anam daye, Jonadap nug antta, nug Amnon amegppa aum. “Na hanhan buttua ahan oittem, am na beɗun am gai-iitta oittem anidttem. Na king bekka, am aɗinu na anam oittem? Na amunu diig da amelppa appe dookkulnu ool okkai daatte amunu, appe doye!” awa aum. Nug anam a, amu Amnon nug nob ma aum. “Da amal appinag Tamarnu ool mauhtte, ⌊amge ib iitta⌋,” awa aum.

2 Samuel 13:4 ပူးပေါင်းရင်းမြစ်များ

2 Samuel 13:3

Anam daye amu, Amnon nug layag laa ele, nug Dawit awag Sama bekka onig Jonadap. Amu Jonadap nug hanhan aɗi hekkunu oo heum, aɗi aokkunu oo heum amu, nug anamib bekkunu ib digdigppa mattiaya keeke awom.

2 Samuel 13:5

Nug anam a amu, Jonadap nug aum. “Na nahip niiak abenppa tena, na oɗe meme bia niippe, amu na mamen nug na anidkkunu uɗikku. Nug uɗieb amu, na inam akkut. ‘Da appinal Tamar nug uɗia, nug ee da lakkulnu da noolppa bappaittebeb da anidppippi, nug awa dahilppa uɗia, nug eppegppanab oɗelppa meebeb lakkulnu ool daatte.’ Na anam appe doyaɗ!” awa aum.

1 King 21:5

Anam niieye dimppa, nug wau Jesebel nug noa antta, oɗ mettom. “Na attem daye, amyan, ee lanak uun niittem?” awa oɗ mettom.

1 King 21:7

Ahap nug Jesebel amegppa anam a amu, nug Ahap amegppa aum. “Aun nug Israel wannu king daatte? Nate o iitta danab laatai? Ahan, ee lanan, gaman ahaɗ! Da geha Jesril ted Nabotnu grep dad amu awe, na medakkul,” awa aum.

Aisaia 3:9

Ag hipunin hetteb amunu, ag oolagppa aab daatte. Aab amu daya, aab dayak amu ag iɗulagppa danab ah anidkkulagnu bette. Ag Sodom danab anukka heppig bia, ag miag atiak hetteb. Hipunin ag hetteb ele, ag lokkumak ii hetteb. Ahilagnu amu, gadonnab gadon. Aɗinu? Ag bu nau aoglag. Ao, ag akka ag beɗulagppa, ag bu nau amu aoglagnu ib ooɗppig daatteb.

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Lewitikas 18:9

Na aib appinam ele beɗuppa wanak hepiɗ. Na appinam laa amu, na mamen laa aɗegtai, o na anin laa aɗegtai, amge na nug ele aib beɗuppa wanak hepiɗ. Nug am na baenppanu laippu laatai, o nug aben laihte menuak ena meum, amu oh amu elele iitta. Na nug ele aibnab beɗuppa wanak hepiɗ.

Lewitikas 20:17

Am danab laa nug appinag laa, nug mamegte, o anigte aɗeg ele aa beɗuppa wanak hekkulah dayeb, amuam uɗa nak nau guittak ele kobol. Ag tamaniakppa, danab ah oh noolagppa heppeg, aa Israel oolagppan geɗittak daaglahoitte. Danab nug appinag ele aa gappai aoglah amu, danab amu nug appinag hunu qelo bia hekku. Nug anam hekku dayeb, nug eheɗ aakku ha, nug amunu bu aokku.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.