2 Samuel 13:32 - Nobonob Baibel

³² Ag anam heppig, amge Dawit awag Sama bekka Jonadap nug Dawit amegppa aum. “O danab naɗi. Na Apsalom nug na begapad oh aqe mauhppig aib dabmeme. Iitta! Amnon nug nukka mauhom. Aɗinu? Amnon nug Apsalom appinag Tamarnu eheɗ heum, haen amuppa Apsalom nug Amnon qeeb mauhkkunu dabmaama oiyeye uɗiom.

2 Samuel 13:32 ပူးပေါင်းရင်းမြစ်များ

Genesis 27:41

Jakop anam he amu, Esau nug mameg Jakop itittak ena mettomnu Jakopnu oo nauhom. Oo nauhe, nug aum. “Da mamel nug haen elab iitta, am mauhkku. Nug mauheb, nuhignu oo doyak hewota, dimppa da Jakop qeppi mauhkku,” awa aum.

2 Samuel 13:3

Anam daye amu, Amnon nug layag laa ele, nug Dawit awag Sama bekka onig Jonadap. Amu Jonadap nug hanhan aɗi hekkunu oo heum, aɗi aokkunu oo heum amu, nug anamib bekkunu ib digdigppa mattiaya keeke awom.

2 Samuel 13:33

O dahil naɗi, na dahil king, na nai laa begapad oh mauhppignu nai uɗiom amu, na nai amunu aib dabmeme, aib oot uug naunab dayom. Aɗinu? Amnon nugib mauhom,” awa aum.

Sam 7:14

Nau hak danab ag am kobol nau hekkulagnu dabmetteb. Ao, ag kobol nau hekkulagnu maittak aonna, hambuppuak nai maditteb.

1 Samuel 16:9

Amu dimppa Jesi nug bekka Sama omala Samuel gumitta wa, Samuel nug aum, “Iitta. Nug ele king daakkunu, Yawe ii tituanom,” awa aum.