2 Samuel 13:3 - Nobonob Baibel

³ Anam daye amu, Amnon nug layag laa ele, nug Dawit awag Sama bekka onig Jonadap. Amu Jonadap nug hanhan aɗi hekkunu oo heum, aɗi aokkunu oo heum amu, nug anamib bekkunu ib digdigppa mattiaya keeke awom.

2 Samuel 13:3 ပူးပေါင်းရင်းမြစ်များ

Genesis 3:1

Haen amuppa, mat nug dabmak lokkumakppa kobol kobol hekkunu doya auta awawa, nug amu hekkunu doɗ dakkuɗ laa oh Yawe Kayak hattom ele, nug amu oh eɗattak dayom. Dayaya amu, nug ah amegppa aum. “Kayak Nug genabte aa ad imu oh meulkad ii lamayanu amelahppa aum?” awa oɗ mettom.

Genesis 38:1

Aria haen gamag amuppa amu, Juda nug awakkud amakkud ele uuatta ukka, aab onig Adulam appa danab onig Hira ele daapiɗ.

Genesis 38:20

Tamar nug anam he, Juda nug meeme nag laa nug layag Hira, nug am Adulam ted, nug eppegppa, nug awa ukka, Judanu keeke oh ah mettom ele eɗua aokkunu me, nug meeme amu awa ukkom. Nug ukka, ah mattia ii anttom.

2 Samuel 13:2

Amnon nug anam nuhignu oo mauhom, amge Tamar nug ah makkun ⌊aya daaglahnu am ɗo ele⌋ amunu, Amnon nug Tamar ele attemtai laa hekkulahnu ib laa iinab antta, nug oo uug ele daye ukke, nug ebehi teum.

2 Samuel 13:32

Ag anam heppig, amge Dawit awag Sama bekka Jonadap nug Dawit amegppa aum. “O danab naɗi. Na Apsalom nug na begapad oh aqe mauhppig aib dabmeme. Iitta! Amnon nug nukka mauhom. Aɗinu? Amnon nug Apsalom appinag Tamarnu eheɗ heum, haen amuppa Apsalom nug Amnon qeeb mauhkkunu dabmaama oiyeye uɗiom.

2 Samuel 13:4

Jonadap nug hanhan oo hak nuhig am anam awawa oiyom, Amnon nug beɗu ena iitta anam daye, Jonadap nug antta, nug Amnon amegppa aum. “Na hanhan buttua ahan oittem, am na beɗun am gai-iitta oittem anidttem. Na king bekka, am aɗinu na anam oittem? Na amunu diig da amelppa appe dookkulnu ool okkai daatte amunu, appe doye!” awa aum. Nug anam a, amu Amnon nug nob ma aum. “Da amal appinag Tamarnu ool mauhtte, ⌊amge ib iitta⌋,” awa aum.

2 Samuel 14:2

amunu, Joap nug he, laa nug aab onig Tekoa ukka, nug appanu ah doyak dabmak ena ele omale uɗipiɗ. Ah amu nug uɗie, Joap nug ah amu amegppa aum. “Na mahiaya oiyak bia ippu hak hena, na mahiaknu lamen mena, na beɗun anttak ena daakkunu goɗen laa beɗun ii laidmana, auntai nahip-ppan laa mauhe, haen elab na dub mena oittem bia ippu hak hena,

2 Samuel 21:21

Nug danab naɗi, beɗu anam, amge nug Israel awa awa aqatte, Dawit awag Sama bekka Jonatan, nug nug qe mauhom.

1 Stori 2:13

Jesi bekkod am inam; nid tatamnu am Eliap. Eliap dimugppan am Abinadab. Abinadab dimugppan am Simea.

1 Stori 27:32

Dawit mameg nakok Jonatan, nug Dawit ulum nai mettom. Nug am yaak danab, dabmak meu unuqagnu doyak danab ele. Hakmon danab Jehiel nug king bekkod gumattom.

Esta 5:10

Haman nug anam aakku doyom, amge nug haen amuppa Mordekainu aɗitai laa ii heum; nug laugppa ukkom. Nug ukka, laikkud, amu nug wau Seres ele onilagppa e uɗin qagmeeg,

Esta 5:14

Nug anam mattiom amunu, nug wau Seres, amu laikkud oh ele ag appig. “Na heppe, danab ag balal attan danab aihadkkulagnu, nuhig elab attan tak 20 mita heppeg, buttua amu Mordekai balal amuppa aihaknu king oɗ mette! Amu oh hena malona, na goppe, ee lanak naɗi amuppa king ele aa gamag ahak naɗi dooglah,” aon appig. Ag anam appig, amu Haman nug nai amunu enanagnab doya he, danab ag balal amu heppig.

Esta 6:13

Haman nug wau Seres, amu laikkud laa oh ele aɗi keeke beum amu ohnu amelagppa mattie, Seres, amu nug laikkud ulum medappig ele ag nug amegppa appig. “Mordekai, nug Juda ted, nug na eɗidkkunu digmeum amunu, na nuhigppa keeke laa hekkutnu elele iitta. Iitta! Nug geha na eɗidkku,” aon appig.

Prowerb 19:6

Danab kuɗum ag danab okkai nug ahilagnu ena dookkunu, ag kobol digdig hetteb. Ao, danab oh ag laa nug keeke kuɗum awa, laa ahilag daakkunu hamu madattenu, “Da am nug layag daattem,” atteb.

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

1 Korint 3:19

Aɗinu? Wanppanu doyak dabmak ena ele, amuam Kayak noobppa dabmak tutukku iitta. Kayak naippa, nai laa daatte amubia. Nai amuam inam. “Danab wan imuppan dabmak doyak ena ele laala ag doyak dabmak ena ele amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb.”

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.

Ikki Danab 14:20

Nug ukka daye, Samson tana nug aɗeg awa, danab nug Samsonnu ewau matulak awaknu haenppa, nug Samsonnu ehanittak okkainab dayom amu, nug danab amu, nuhig ah daakkunu nug aɗeg, Samson wau, nug nug mettom.

1 Samuel 16:11

nahip nid danab imu iikkuibte? Da gumiɗna doppig amu, ag am nid danab nahip ohte, o iitta laa ele daattebte?” oɗ mettom. Nug anam a amu, Jesi nug aum. “Laippu laa daatte, nug am huh bieg dahil. Nug aab dimittim sipsip gumattatta daatte,” awa aum. Jesi nug anam a amu, Samuel nug aum, “Nid laa appe ukka, omala uɗiaɗ! Aɗinu? Ig paha mana mettak ii hemata. Iitta. Nug uɗieb, dimppa ig geha mana mettak hekkunig,” awa aum.

1 Samuel 16:9

Amu dimppa Jesi nug bekka Sama omala Samuel gumitta wa, Samuel nug aum, “Iitta. Nug ele king daakkunu, Yawe ii tituanom,” awa aum.