2 Samuel 13:29 - Nobonob Baibel

²⁹ Apsalom nug aum amunu, nuhikkud danab ag nug oɗe dim lamidna, Amnon qeeg mauhom. Ag qeeg mauhe, king bekkod laa oh ag baɗan, ahan, miul ahilkad attan tena, oolna goppig.

2 Samuel 13:29 ပူးပေါင်းရင်းမြစ်များ

Genesis 36:24

Sibeon bekoɗ am Aia, Ana ele. Ana amu, nug deɗ laa nug mamegnu donki gumattatta, nug atu taɗakppa le gakkaɗak qeppuɗia beebe anttom.

2 Samuel 12:10

Na amu heme, na dahilnu ena iinab doon, na Hit danab Uraia wau nug nahip ah daakkunu aome amunu, butti aɗi alag ebqak nahip ohppa amu, buɗunppan laa, o laihppan laa ag na buɗunad laala aqappeg mauhkkulag.’ ” Yawe Nug Dawit amegppa Natan oɗeppa anam mattie doyom.

2 Samuel 13:30

Ag oolna Jerusalem tekkulagnu ukkaegeg, danab laa nug tatam Jerusalem ta, Dawit amegppa aum. “Apsalom nug na begapad ohnab aqe mauhppig. Laippu laa ii daatte,” awa aum.

2 Samuel 14:6

Da, da am nahip maɗi ah amu, da nid danab aɗit ele. Amu da bekkalaɗ aɗit amu, aa datta oiya, aa nug qeyaya, auntai laa nug aa otiatak iitta daye, laa nug laa qe mauhom.

2 Samuel 18:9

Amu ban anam heeg ugekke, Apsalom nug miul nuhig attan dayaya ukka, nug ii doyaya Dawitnu daup uɗalag teum. ⌊Nug ag uɗalag ta oolele,⌋ miul nuhig ad ok okkai laa waappa ukke, ad amu eppeg huanak amunu, Apsalom ikki amuppa aihe dayeye, miul baeg ya ii dayom; iitta ukkom amunu, Apsalom nug aguppa aiha dayom. Baeg am wan ii tappom.

1 King 1:33

Uɗieg, aria king nug ag amelagppa inam aum. “Ag da, ahilag okkai, ag dahilad maɗi nid diiadppeg, ag gona, dahil nid Solomon amegppa anan heppeg, nug dahil miul attan teeb, ag nug aon omalppeg, le qeppuɗia bette onig Gihon, appa nokkulag.

1 King 1:38

Dawit nug anam a, aakku mana mettak danab Sadok, propet Natan, am Jehoiada bekka Benaia, aria, danab Dawit gumappig, amuam Keret danab, Pelet danab ele amu, ag oh noppig. Ag nona Solomon aon, King Dawitnu miul attan mewon, ag nug ele oh le nakok Gihon, amuppa noppig.

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.