2 Samuel 13:24 - Nobonob Baibel

²⁴ Amge Apsalom nug tatam king toppa ta, amegppa aum. “Da, nahip maɗi nid, da hei, danab laa ag dahil sipsip uɗilag otaɗtteb. Ag otaɗegeg, da hobul ahilag hekkul hettem, amu na, nahipad anuqak danab ele ag oh appa goppeg, ig oh hobul amuppa daagnignu oɗ medattem,” awa aum.

2 Samuel 13:24 ပူးပေါင်းရင်းမြစ်များ

Genesis 38:12

Haen elab ukke dimppa, Juda wau Sua aɗeg, nug mauhom. Mauhe, Juda nug mahitta malowa amu, nug aha, Timna gokkunu ukkom. Timna appa nuhikkud maɗi nid ag sipsip uɗilag otaɗadppig; amu nug layag Hira, Adulam ted, nug ele gopiɗ.

2 Samuel 13:23

Amu anam daye ukke, maɗ aɗit uue, Apsalom nug danab laa ag nuhikkud sipsip uɗilag otaɗkkulagnu onilagppa e, ag aab laa onig Balhasor, Epraim guguittak, ag appa sipsip uɗilag otaɗegeg, Apsalom nug king bekkod oh ag appa gona, oo gamag ahaknu hobul nug heeb anidkkulagnu aum.

2 Samuel 13:25

Apsalom nug anam a amu, King Dawit nug aum. “O bekkal, iitta! Ig oh gokkunig dayeb, na ihinignu ee keeke bappaidkkutnu am uug okkai na mettagnig,” awa aum. Dawit nug anam a, Apsalom nug gokkulagnu wagai meum, amge Dawit nug nuhig dabmak ii eɗuom. Dabmak nuhig ii eɗue, ii gomananu tuɗitta aum, amge nug Apsalom hobul amu hekkunu itittak ena mettom.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

1 Samuel 25:7

Amu Dawit nug nai imu ele apput dookkutnu aum. “Da gemu amu, da na sipsip uɗilag otaɗttemnu aeg doomi. Amu haen danab nahipad ag Karmel daanna, sipsip gumadppig amu, ag ig guguikkak daaegeg, ig ag eheɗ nakok laa ii hattamut. Iitta. Amu keeke ahilag laa ele ii qettoɗom.