2 Samuel 13:22 - Nobonob Baibel

²² Amu Apsalom nug, nug Amnon amegppa nai ena nakok laa, o nai eheɗ nakok laa ii mattiom, amge nug Amnon he, nug appinag uɗa nak nau guittak ele doyaya oiyom dabmeum amunu, nug Amnonnu nau ninig ele doyom.

2 Samuel 13:22 ပူးပေါင်းရင်းမြစ်များ

Genesis 24:50

Maɗi nid nug anam a amu, Laban, Betuel ele aa apiɗ. “Yawe nukka keeke imu heum amunu, i nai laa akkunihnu am iitta.

Genesis 31:24

Ag anam daaegeg, tuqan amuppa Kayak Nug tulppa Aram danab Laban amegppa aum. “Da na nau aomnanu dabmettak nai imu na amenppa attem. Na Jakopnu eheɗ laa aib heme,” awa aum.

Genesis 31:29

Da na eheɗ heidkkulnu elele, amge na mamennu Kayak Nug tuqan da amelppa aum. ‘Da na nau aomnanu dabmettak nai imu na amenppa attem. Na Jakopnu eheɗ laa aib heme,’ awa aum.

2 Samuel 13:21

Amu haen King Dawit nug Amnon heumnu doya amu, nug oppoɗi huanak be, ameg kokoɗ eppom.

Prowerb 10:18

Am laa nug laanu, nug layag bia hette, amge nug ooppa, nug nuhignu nau ninig ele dootte, nug am hambuppuak danab; danab nug laa onig nauhkkunu nai maditte, nug am Kayak dab-ii-maama ii dim lamitta oiyak danab.

Prowerb 25:9

Na, na nahip mudippan laippu ele aa ahilah nai bappaidkkulahnu hettep dayeb; aa madipiɗ ele amu, na nai aib heppe otalom.

Prowerb 26:24

Danab nug laa guittak medakkunu hette amu, nug aɗi nai maditte, amuppa nug am danab ena dooglagnu hekkutai; amge nug ooppa, nug hambuppua, kobol nau hekkunu maittak aotte.

Prowerb 26:26

Nug heeb, danab ah ootot aqeb, ag nug kobol nau hekkunu maittak aotte amu, ag oolag ii maidkkutai; amge haen adekkuppa, nug nau hette am genab miag atieb, danab ah oh anidkkulag.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

1 Jon 2:11

Am aun laa nug layagnu nau ninig ele dootte amu, nug gatatuppa daatte, gatatuppa ele oitte; nug adeppa gotte amu, nug ii dootte. Gatatu nug ameg qehakkom.

1 Jon 2:9

Aun laa nug, “Da amahlakppa daattem,” awa atte, amge nug layagnu nau ninig ele dootte amu, nug gatatuppa daatte.

1 Jon 3:10

Anam amunu, ig kobol imuppa aun nug am Kayak Bekka, aun nug am Kayak Bekka iitta, nug Satan bekka daatte, amu ele doottem. Am inam. Aun nug kobol tutukkuppa ii oitte amu, nug Kayak Bekka iitta. Am laa nug layagnu oo ii mauhtte, nug ele Kayaknu iitta.

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.

1 Jon 3:15

Am laa nug layagnu nau ninig ele dootte, nug am danab qe mauhak danab, amu ag dootteb, qe mauhak danab laa ooppa bauklel hanhannu ii daatte.