2 Samuel 13:1 - Nobonob Baibel

¹ Amu dimppa amu, Dawit bekka onig Amnon nug eheɗ heum. Am inam. ⌊Amnon, Apsalom ele aa mamelah am Dawit, amge aa anilti piɗe piɗe.⌋ Am Apsalom appinag onig Tamar amu, nug ah iɗu tuqak ele, amu Amnon nug Tamarnu oo mauhom.

2 Samuel 13:1 ပူးပေါင်းရင်းမြစ်များ

Genesis 29:18

Aria, Jakop nug Rahelnu oo mauhom amunu, nug Laban uɗat nobnu amegppa inam aum. “Da maɗ eblaih aɗit ele uɗat nahip heppi, na aɗen gehanu Rahel meɗakkut,” awa aum.

Genesis 29:20

Anam a, Jakop nug maɗ eblaih aɗit ele Rahel aokkunu uɗat heum. Nug Rahelnu oo mauhom amunu, maɗ eblaih aɗit ele amunu amu, nug deɗ laippu laippu bia doyom.

Genesis 34:3

Sekem anam ha amu, nug Jakop aɗeg Daina ii uuittom. Iitta! Nug nuhignu oo mauhom. Amu ele, nug Daina amegppa nai enaib madittom.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

2 Samuel 13:15

Amnon nug anam ha male, nug nuhig dabmak eɗue, Tamarnu nau ninig ele doyom amunu, tatam nug Tamarnu oo mauhom, gemu nug nuhignu nau ninig ele doyom; am nau ninig ele doyak nuhig, amuam oo mauhak tatamnu eɗittak, huanaknab dayom. Nug anam doya, nug Tamar amegppa aum. “Ahan ukke!” awa aum

2 Samuel 13:2

Amnon nug anam nuhignu oo mauhom, amge Tamar nug ah makkun ⌊aya daaglahnu am ɗo ele⌋ amunu, Amnon nug Tamar ele attemtai laa hekkulahnu ib laa iinab antta, nug oo uug ele daye ukke, nug ebehi teum.

2 Samuel 14:27

Apsalom nug nid ele. Nug bekkod ewam, aɗeg laippu ele. Aɗeg onig am Tamar. Nug okkai ma, nug ah iɗu tuqaknab ele dayom.

1 King 11:1

Amge King Solomon nug wan laalappan ah dilag oo mauhom amunu, nug diikkunu oo daye, nug Paro aɗeg amu awowa, nug Moap ah, laala ele diiowa, am Amon ah, Edom ah, ele diiowa, nug aab okkai Saidon ah, am Hit ah ele nug diiom.

1 Stori 3:2

Daniel dimugppan am Apsalom. Apsalom anig am Makah. Makah am Gesur dilag king Talmai aɗeg. Apsalom dimugppan am Adonaiya. Nug anig am Hagit.

1 Stori 3:9

Amu oh ag am Dawit bekkod, nug wauud ele menuadppig, amge nug wauud amge wauudnab iitta, ag ele nuhig nid danab menuadppig. Am Dawit bekkod appinlag am Tamar.

Prowerb 31:30

Laa noolagppaib oo bodoette, enanag, maɗoɗ ele hak, amuam keeke genab iitta; iɗu tuqak ele am haen oh ii daama; amge ah aun nug Yawenu ebehi oh bodoetta le mette amu, nug binag aokkuoitte.

Prowerb 6:25

Nug ah iɗu tuqaknab ele, amge na amu anidna, nug ele niiglahnu beɗunppan eeɗak, na amunu aib dabmena, nug dim lamidme! Ao, nug na neekkittatta, amegppa beɗun eeɗkku, amge na nuhig dabmak amu aib dim lamidme.