2 Samuel 12:8 - Nobonob Baibel

⁸ Saul, nug nahip okkai dayom amu, da nuhikkudppan oh, amu nug wauud, ag na waatad daaglagnu ele da na mettami. Da na Israel dilag king, Juda dilag king ele daakkutnu ehah mettami. Da amu oh mettami, amu na keeke amunu, “Am keeke nakok,” doome dayeb amu, na oɗ meɗalom, da amu tuɗitten, laa okkainab ele mettalom.

2 Samuel 12:8 ပူးပေါင်းရင်းမြစ်များ

2 Samuel 12:11

Natan nug Kayaknu nai Dawit amegppa anam awowa, nug tuɗitta aum. “Yawe nug inam ele atte. ‘Na baenadppa dilagppanab uug naunab beeb dookkut. Da heppi, na amenppanab laa na baenadppan laa nug na waatad diieb, amunppa, danab ah noolagppa ag nug ele niiglag.

2 Samuel 12:2

Enub danab nug sipsip, makau ele huanak.

2 Samuel 2:4

Ag anam daaegeg, Juda danab ag Hebron uɗin, ag Dawit nug ahilag king daakkunu hena, ag Dawit king daakkunu goɗen gokkaɗakppa tituanppig. Ag anam heppig dimppa amu, laa ag Jabes Gileat danab ag, Saul mauhe, haen elab ii ukke, ag gona gaɗa awona, ag aon uɗin boumppig Dawit amegppa aeg doyom.

2 Samuel 5:5

Nug tatam king ba dayom amu, nug Juda dilagib king dayom. Nug digma, king daye ukke, nug maɗ eblaih aɗit, kalam eblaih laippu ele Hebron appa dayom. Amu dimppa nug Israel oh dilag king digma dayeye, maɗ 33 dayom. Nug Jerusalem appa dayaya, amu heum.

2 Samuel 7:19

Anam amge, O Naɗi Yawe, na amuib ehaniɗna hekkutnu ii dabmettem. Iitta. Na heppe, da, da nahip maɗi nid amu, da buɗulad oolagppanu laala, ag ahilag haen anen anenppa, ag Israel dilag king hanhan bena daaglagnu ele ame. O Naɗi Yawe, na kobol enanag inam haen oh danab dilagppa hettemte?

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

1 King 2:22

Am King Solomon nug oɗmak amu doya, nug inam aum. “Aɗinu da Sunem ah Abisak Adonaiya mettaknu, am na da oɗ meɗattem? Am anam dayeb amu, aria na tutukku da oɗ meɗappe, nug da oulppa nug king baɗ! Aɗinu? Nug am tatamnu, da awal. Amu mana mettak danab Abiatar, amu Seruia bekka Joap ele aa nuhig ehanittak daattep,” awa aum.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Rom 8:32

Nug Bekka ig megakkunu amu Nug amunu oo ii qe, Nug ig oh ehanigkkunu me uɗiom. Nug anam heum amunu geha, keeke laa oh ele amu, Nug ig iite megakku? Yo, Nug megakku.

1 Samuel 15:19

amunu, aɗinu na nuhig nai ii dim lamidme? Aɗinu na Amalek dilag keeke, Yawe Nug ag keeke amu ohnab heppeg, nuhignuib, nuhig pelemppa daaglagnu aum amu, aɗinu na keeke amu aokkutnu na eppen pahanab bahin aome? Amuppa amu, na Yawenu neekkakppa eheɗ heme,” awa aum.