2 Samuel 12:7 - Nobonob Baibel

⁷ Dawit nug anam a amu, Natan nug eɗua amegppa aum. “Danab kobol nau amu heum am naib! Yawe, Israel dilag Kayak, Nug na amenppa atte. ‘Da na Israel dilag king daakkutnu goɗen gokkaɗakppa tituanitti, na king daattem. Da hei, Saul ii nitte mauhme.

2 Samuel 12:7 ပူးပေါင်းရင်းမြစ်များ

2 Samuel 14:13

Dawit nug anam a amu, ah nug aum. “Na laa nug da bekkal qeeb mauhmanu ame, amge Kayaknu danab ah, Israel, ag oh ag na bekkat nug eɗua uɗikkunu oolag hette. Na ame, amuppa na nai aɗit ele madittem. Na da ehaniɗna, laa da bekkal qeeb mauhmanu attem, amge na bekkat, nug eheɗ heumnu laih piɗe daatte amu, na nug eɗua uɗikkunu ii attem.

2 Samuel 22:1

Dawit nug Yawe Nug ehanitte, nug nuhig kekeɗ eppelagppa ii dayaya, Saul eppegppa ele ii daya antta, nug ahi imu edatta,

2 Samuel 22:49

Ge, Yawe Nug he, da dahil kekeɗ eppelagppa ii daattem. O Yawe, na hee, da kekeɗ eɗatten, ahilag ikki daattem. Ao, na danab ag laa guittak nau mauhnoak mettaknu tiilagppa daatte amu, na da ag eppelagppanu eɗun awiɗme.

2 Samuel 7:8

Anam amunu, na gona, dahil maɗi nid Dawit inam appe doyaɗ! ‘Yawe Nukka Ɠagattag Oh Ele Nug inam atte. Na gikkiɗah dad okkaippa sipsip gumattette, da hei, na uɗat amu uun, dahilad danab ah, amu Israel danab ah, na ahilag king daakkutnu meidmi.

1 King 14:7

Na eɗun, Jeroboam gumidna gona, Yawe, Israel dilag Kayak, Nug nai aum imu amegppa appe doyaɗ! ‘Jeroboam, da na dahilad danab ah Israel oolagppanu, da na awitten, da na ahilag king daakkutnu meidmi.

1 King 18:18

Nug anam oɗ mette, Elaiya nug Ahap aum, nug amu nob ma inam aum. “Da iitta, da Israel uug laa ii mattami, amge na, amu na mamen ele, aa, amu aa baelti ele, ag Israel uug mattaegeg uɗie, gemu ele hetteb. Aɗinu? Ag Yawenu haknunab nai tappaeg ne, ag kayak hambuppuak Bal iɗu iɗu noolagppa dup nona binalag meegeg uɗie, gemu ele hetteb.

1 King 20:40

Amge, O king, da, maɗi nid nahip, da uɗat kuɗum laala heinne, kekeɗ amu da ii gumai, nug oola ukkom,” awa aum. Awa a, aria Israel dilag king nug amegppa aum. “Na nakka na dimun meme, amuppa na keeke aɗi nahip-ppa bekkunu amu, na doottem,” awa aum.

1 King 20:42

Aria, propet nug king amegppa aum. “Yawe Nug inam atte. ‘Da am Yawe, da attem. Danab laa, da nuhignu nug dahilnuib, dahil pelemppa daakkunu dabmak aoi ɠagattag eppom daatte amu, na he, nug ukkom amunu, nug ouppa na mauhkkut, nahipad danab ah ag am nuhikkud danab ah oulkadppa, ag ele maukkulag,’ ” awa aum.

Sam 18:1

“Yawe, na am dahil ɠagattag, da nahipnu ool mauhtte.

Jeremaia 34:6

Yawe Nug anam he, propet Jeremaia nug nai amu oh awa ukka, Juda dilag king Sedekaia, Jerusalem dayom amu, nug amegppa aum.

Daniel 4:22

O king, na amu anidme amu, ad okkai ena amu, am naib ippunigtte. Na king bena, onin okkai ba male, na ɠagattag ele daattem. Na onin okkainab meeme ukke, gemu ad ba hab aɗe, danab ah oh anidkkulagnu elele daappig bia, wan atu ohppanu danab ah ag nahipnu dootteb. Nahip gumak am ukke ukke, wan umanab daattebppa batatte.

Matyu 14:14

Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.

1 Samuel 13:13

Saul nug Samuel amegppa anam a amu, Samuel nug eɗua, nug amegppa aum. “Na heme amu, amuppa na dabmak tutukku iittappa heme. Na Yawe, nahip Kayak, na nuhig nai ii dim lamidme. Na dim lamidlom amu Nug heeb, na, amu na buɗun ele ag hanhan Israel gumalob.

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 18:11

Saul nug ban gudkkud aɗa dayaya, nug inam dabmeum. “Da geha ban dahil eppi ukka, geha Dawit tutukku ya, geha ban aeg ukka, laih matula ukka, lag gilil ya, Dawit gililppa qataqeeb daakku.” Saul nug anam dabma, nug ban eum, amge Dawit nug dekkaɗom; ban nug ii yom. Nug anam he, Saul nug ban eɗua eum, am Dawit eɗua dekkaɗom; nug tatam heum bia heum.

1 Samuel 18:21

Saul nug oo gamag ahe, nug inam dabmeum. “Da geha Dawit, nug da aɗel aokkunu elele appi, ewau matulak awaknu nai amu da nug ele qagapuɗ, da aɗel nug geha Dawit mauhkkunu ib daakku. Da geha appi, ah nob daden amu, Dawit nug Pilistia ele ban hekkulagnu daakku, amu ag geha nug qeppeg mauhkku.” Saul nug dabmak anam awa, nug Dawit amegppa baula aum. “Gemu na geha da aɗel amu aokkut,” awa aum.

1 Samuel 23:14

Amu Dawit nug nuhikkud danab ele ag atu taɗakppa oinna, ban haknu aben ɠagattag laalappa daana, atu taɗak onig Sip, qauko qauko daattebppa ele daappig. Ag anam oiyegeg amu, Saul nug haen oh Dawit mattia, dim lamitta oiyom, amge Kayak Nug Dawit ii paɗe, Saul eppegppa ukkom.

1 Samuel 23:7

Dawit nug nuhikkud daup ele ag Keila appa anam hena, ag Keila appa daappig. Appa daaegeg amu, danab laa ag Saul amegppa, Dawit nug Keila daattenu appig. Aeg, Saul nug aum. “⌊Amu ena!⌋ Dawit nug aab laa, aab amuam aɗ ele, amu aɗ amuppa od oɗeppa od, manak qaknu keeke ele daye, nug amuppa daatte amunu, Dawit nug nukka maniguittom. Kayak Nug Dawit da eppelppa meum,” awa aum.