2 Samuel 12:14 - Nobonob Baibel

¹⁴ amge na Yawe, nuhignu ena iinab doon hee, kekeɗ nuhig ag nuhignu, ‘Keeke hamunab,’ dootteb amunu, nid danab nahip kobol imuppanu amu, nug mauhkku. Nug bau ii daama,” awa aum.

2 Samuel 12:14 ပူးပေါင်းရင်းမြစ်များ

2 Samuel 12:15

Natan anam ana mala aha, lakka ukke, Yawe Nug he, Dawit bekka Uraia wau menuom amu, nug oɗe meum.

Nehemaia 5:9

Ag anam oɗelag qamutna, nai iitta daaegeg, da tuɗitten ami. “Ag hetteb ele amu, ag amuppa kobol genab tutukku ii hetteb. Ag ihinig kekeɗ, ag am iitta aɗi amu, ag anigna, aon aon iqaglagnu ib laa ii anidmananu, ag Kayaknu ebehilag oh bodoetta le meeb, oɗe dim lamidlob am ena.

Sam 69:6

O Naɗi, na Yawe Nakka Ɠagattag Oh Ele, da na heppe, danab ah ag nahipnu oolagppa genab dootteb ele, ag da beɗulppa, ag uɗa nak nau guittak ele doomananu oɗ medattem. Yo, O Kayak, na Israel dilag Kayak, na heppe, laa ag na anidna dim lamidkkulagnu na mattidtteb ele amu, ag da beɗulppa uɗa nak doomananu unuqidttem.

Sam 74:10

O Kayak, gemu ihinkad kekeɗ ag na aon aon nidatteb; amu haen gane laa ele ukkeb, na ag amu hemananu ib oo nekkut? Ao, na ag uuadppe, ag hanhan na oninnu, “Am keeke hamu,” danab ah laa ippunadkkulagte?

Sam 94:12

O Yawe, danab na toliadna, bu madattem ele amu, ag itittak ena aoppig daatteb. Ao, danab na nahip ɗo ag ippunadttem ele amu, ag itittak ena aoppig daatteb.

Sam 99:8

O Yawe, ihinig Kayak, na ag oɗelagppa aome. Na am Kayak uhuqak madattem, na amu ippunadme, amge ag eheɗ ukkaeg, na ele ag bu mattame.

Aisaia 52:5

Ag anam daaeg uɗie, gemu attemnab iikku beum daatte? Aɗi beum daatte amunu, wan laappan daup ag ele uɗin, ag dahilad danab ah hamu diin goppig? Ag diin gona heeg, dahilad danab ah ag gumak ahilag waappa daaeg, danab amu ag dahilad danab ah aon aon aqatteg, danab ah kuɗum ag deɗ oh amun tuqan ele dahilnu dabittak nai maditteb.

Amos 3:2

Yawe atte. “Danab huu digdig kuɗum wanppa daatteb, amge da ag Israel aakkuib da ag tituanadmi. Da anam hei, ⌊ag dahilad danabnab daatteb,⌋ amge ag hipunin huanaknab hetteb amunu, da ag bu aqakkul,” awa atte.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Rom 2:24

Kayak naippa yaak daatte amubia ag hetteb. Nai am inam. “Ag Juda, ag beɗulagppa iitta aɗi danab ag Kayak, ag nuhignu dabittak nai maditteb.”

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

Hibru 12:6

Aɗinu? Naɗi Nug danab laa, Nug ahilagnu oo mauhtte amu, Nug danab amu ena daaglagnu toliatta bu madatte. Ao, Nug danab laa awa, nuhignu, ‘Nid dahil,’ atte ele amu, Nug danab amu ena bekkunu bu medatte.”

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!