2 Samuel 12:1 - Nobonob Baibel

¹ Yawe Nug ena ii doyom amunu, Nug he, propet Natan nug aha, Dawit toppa ukka ta, nug amegppa aum. “Aab laappa danab aɗit daapiɗ, laa am enub danab, laa am daɗek danab.

2 Samuel 12:1 ပူးပေါင်းရင်းမြစ်များ

2 Samuel 11:25

Nai awa ukkak danab nug anam mattia male, Dawit nug aum. “Na Joap amegppa inam appe doyaɗ! ‘Na oot uug aib dayom. Aɗinu? Ban hak haenppa laa mauhtte, laa ii mauhtte, o laa mauhtte, laa ii mauhtte. Amunu aib dabmeme! Na aab okkai amu eɗidna, heppe nauhkkunu, amuib na dabmenan, na ban huan he!’ ” King Dawit nug nai awa ukkak danab amegppa anam anana, nug tuɗitta aum. “Na Joap oo ɠagattag qedakkutnu anam akkut,” awa aum.

2 Samuel 12:2

Enub danab nug sipsip, makau ele huanak.

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

2 Samuel 7:17

Yawe Nug nai amu oh Natan amegppa a, Natan nug Dawit amegppa Yawe Nug mattiom, nug nai amunab Dawit amegppa aum.

1 King 1:8

Aa ehanidkkulahnu apiɗ, amge danab laib laib laa, ag Adonaiya ele oolag laippu ii dayom. Amuam mana mettak danab Sadok, Jehoiada bekka Benaia, propet Natan, amu Simei, Rei, amu King Dawitnu gumak daup, ag ele.

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

1 King 18:1

Amu haen elab gu Israel wanppa ii neum. Anam daye, maɗ ewam ukke, maɗ ewam amu ooppa Yawe Nug nuhig nai imu Elaiya mettom. “Na Ahap gumidna goppe, Ahap na anitteb, da heppi, gu wanppa nekku,” awa aum.

1 King 21:18

“Israel dilag king, Ahap, nug Samaria appa king daatte amu, gemu nug aha, Nabotnu grep dad, nug appa ukka appan daatte. Nug dad amu nug aokkunu ukkom.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.

2 King 1:3

Ahasia anam heum, amge Yawenu engel nug propet Elaiya, Tisbe ted, nug nug amegppa aum. “Na ahan gona, Samarianu king nug danab maatte, Ekron gotteb, na ag uɗalag tena, amelagppa inam akkut. ‘Aɗinu ag Balsebup, Ekron dilag kayak, ag nug oɗ mettaglagnu gotteb? Israel ippa am Kayak laa iite daatte amunu, ag appa gotteb?’ ⌊Ag eɗun gona, king amegppa inam aig!⌋

1 Stori 29:29

Amu Dawit nug digma king daye ukke, nug mauhom batak nug aɗi aɗi heum, nuhigppa aɗi aɗi beum amu, kaya amu oh am propet danab Samuel nug buk laappa yom. Propet danab Natan nug ele buk laappa yom, amu propet Gad nug ele bukppa yom.

Aisaia 39:3

Hesekaia nug anam he, propet Aisaia nug aha, King Hesekaia toppa ukka, oɗ metta aum. “Danab uɗippig ele amu, ag aɗi nai madippig? Ag adeppan uɗippig?” awa oɗ mettom. Aisaia nug anam a, Hesekaia nug aum. “Ag umanunab uɗippig. Ag da aniɗkkulagnu Babilonnu uɗippig,” awa aum.