2 Samuel 11:2 - Nobonob Baibel

² Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

2 Samuel 11:2 ပူးပေါင်းရင်းမြစ်များ

Genesis 12:11

Nug ukka, Isip gukkuitta, nug Sarai amegppa aum. “Da doottem, na am ah ena, iɗun tuqaknab ele

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Genesis 34:2

Ukke, Hiwi danab onig Hamor, nug am wan amu dilag okkai, nug bekka Sekem nug Daina antta, ameg qe haaha amu, nug nuhigppa kobol eheɗ heum.

Genesis 39:6

Anam beppig amunu, Josep nug Potiparnu keeke oh gumom. Potipar nug nuhig keeke laanu dab-ii-mettom. Iitta. Nug lanakib laum. Aria, Josep nug nid gaiɗ enanag, iɗu tuqak ele

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

2 Samuel 13:1

Amu dimppa amu, Dawit bekka onig Amnon nug eheɗ heum. Am inam. ⌊Amnon, Apsalom ele aa mamelah am Dawit, amge aa anilti piɗe piɗe.⌋ Am Apsalom appinag onig Tamar amu, nug ah iɗu tuqak ele, amu Amnon nug Tamarnu oo mauhom.

2 Samuel 14:27

Apsalom nug nid ele. Nug bekkod ewam, aɗeg laippu ele. Aɗeg onig am Tamar. Nug okkai ma, nug ah iɗu tuqaknab ele dayom.

2 Samuel 4:5

⌊Amge Isbosetnu amu,⌋ deɗ laa Berot ted Rimon bekoɗ, Rekap, Bana ele aa ahaya, Isboset laugppa gokkulahnu goya, Isboset nug aam ameg tutukkuppa hik awa dayeye tepiɗ.

2 Samuel 4:7

Danab aɗit aa amu hekkulahnu hepiɗ, haen Isboset nug qaɗaqaɗppa niieye, aa ippu hak heya, wit lag ooppanu awaknu heya goya, Isboset niiomppa teya, yaapiɗ. Aa yoya, aa nug ikki baagppa otaɗya, ikki aoya oolya goya, atu onig Araba, aa amu oppatya ukkaeheh, tueb me ukkaeheh, wagkkaɗom.

Job 31:1

Amu da ena daami, haen amuppa da dakka da ele da nug tituanen nai qakkami. Da nai qakkami am, da ah makkun laa oo hak nau ele ii neekkidpa.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Prowerb 19:15

Danab bahilag iitta ele, ag niiak huana hetteb; danab ag uɗat laa ii hetteb, ag am enug daaglag.

Prowerb 31:30

Laa noolagppaib oo bodoette, enanag, maɗoɗ ele hak, amuam keeke genab iitta; iɗu tuqak ele am haen oh ii daama; amge ah aun nug Yawenu ebehi oh bodoetta le mette amu, nug binag aokkuoitte.

Prowerb 6:25

Nug ah iɗu tuqaknab ele, amge na amu anidna, nug ele niiglahnu beɗunppan eeɗak, na amunu aib dabmena, nug dim lamidme! Ao, nug na neekkittatta, amegppa beɗun eeɗkku, amge na nuhig dabmak amu aib dim lamidme.

Prowerb 7:8

Nug am ib laa, ah ewau pakkua gappai hette ib amuppa daatte amu, nid bau amu nug ib amu, ib nug oitteppa ele oɗatleppa gukkuitta ukkom. Ao, nug ib amu awa noono, ah amu laug gukkuitta ukke anidmi.

Matyu 10:27

Amu nai da tuqan madittem amu, ag amunppa mehuqnana, nai ag otiptip-ppa dootteb amu, ag lag koɗokko uɗem ukkakppa hippaidna daanna, enan mehuqeg!

Matyu 24:17

Danab nug nuhig lag koɗokko uɗem ukkakppa daatte, nug aguppa dayaya, nug oolkkunuib dabmaama, nug lag ooppa noa keeke aib awom. Iitta! Nug oola ukkaɗ!

Matyu 5:28

amge da ag amelagppa inam attem. Danab laa nug amegppaib ah laa antta, nug ele oiglahnu dabmette amu, danab amu nug ewau pakkua gappai hak kobol aakku heum.

Aposel 10:9

Aria, danab ewam ag ukkaegeg ⌊uudo, ibppa niiona, ahan ukkaegeg,⌋ aam ameg tutukku aokkunu heehe Jopa guguittegeg, Pita nug lag koɗokko uɗem ukkakppa unuqidkkunu teum.

Duteronomi 22:8

Amu haen na lag bau henana, na at, lag koɗokko uɗem ukkak taliliattak hekkutoitte. Anam hak dayeb, laa nug na qa mauhkku dayeb amu, amuam na, na baenadppa ele, am ag beɗulagppa iitta. Ag amunu oolagppa aab iitta daaglag.

Duteronomi 5:21

Na layap wau aib amen qeeb aolomnab dabmak eheɗ aome. Laa amu, na layap laug, o wan nuhig, o maɗi nid nuhig, o nuhig maɗi ah, o nuhig makau okkai ebehi ele, o nuhig donki, o nuhig keeke laala ele, na amu ohnu na aib amen qeeb aolomnab dabmak eheɗ aome.” Yawe Nug nai amu oh Israel danab ah amelagppa aum.

1 Pita 4:7

Aria, keeke oh iitta mekkulagnu haen aakku guguittak daatte amunu, ag unuqittak hekkulagnu elele daaglagnu, ag dabmen autna aona, ag nukka nug nuhig oiyak pehettak atognoak kobol ele dim lamidna dayeg!

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

1 Samuel 9:25

Aria, ag ee lawona, ag ahan, aabnu mettid lag nakok uun, aab ooppa nona, Samuel nug Saul ele aa lag attan, koɗokko uɗem ukkak aben, amuppa teya daayya, Samuel nug Saul ele nai madipiɗ.