2 Samuel 11:14 - Nobonob Baibel

¹⁴ Nug anam he, wagɗe buttua Dawit nug Joapnu uɗug laa yom. Nug ya, nug Uraia awa ukka, Joap medakkunu mettom.

2 Samuel 11:14 ပူးပေါင်းရင်းမြစ်များ

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

Sam 19:13

Keeke laa amu, na oot da, nahip maɗi nid, na da meɗan ehaniɗna heppe, da doyeye hipunin ii hepanu unuqidttem. Ao, na oot da meɗan ehaniɗna heppe, hipunin amu da ii gumiɗmanu oɗ medattem. Na anam hekkut amu, da oolppa nahip neekkakppa kaliak laa ii daama. Yo, da hipunin laa, okkai naɗi daatte amu, da amu ii hein, beɗulppa aab ii daama.

Sam 52:2

Na hanhan buttua ukka tueb batak Kayaknu danab ah hadappe nauhkkulagnu maittak aottem. Na aɗi keekenu attem, amuam resa laa aeg naunab ele, laa otaɗe guittak dootte, nahip nai amubia hette. Na nai attem amu, danab ah ag amunu oolag guidtte. Na hambuppuak nai madikkutnu doon autna aottem.

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.