2 Samuel 10:3 - Nobonob Baibel

³ Ag nai amu aon, Amon wanppa gona teppig, amge Amon dilag anuqak danab laa ag ahilag okkai Hanun amegppa appig. “Dawit nug danab imu ag uɗin, oo doyak ehanittak nai amenppa akkulagnu maatte uɗippig amu, am nahip dabmakppa nug diig amunu na mamen genab binag mekkunu hette dabmettemte? Amunu iitta. Dawit nug danab imu ag nagattoppa uɗin, ag oinna, aab okkai imu lokkumakppa italna anidna, nug amegppa attem daatte appeg, Dawit nug uɗia, ig eɗigkkunu maatte uɗippig,” aon appig.

2 Samuel 10:3 ပူးပေါင်းရင်းမြစ်များ

Genesis 42:9

Ele amu, Josep awakkud ag Josep noobppa teeg, Josep anatta, nug anukka ahilagnu tul niiom, tul niiak amu nug daugppa doum. Aria, anam amu, nug ag amelagppa aum. “Ag am lokkumakppa atu italak danab. Ag ig wanenig laih atten ban haknu daup iitta, ag amu anidkkulagnu uɗippig,” awa aum.

1 Stori 19:3

Ag nai amu aon, Amon wanppa gona teppig, amge Amon dilag anuqak danab laa ag ahilag okkai Hanun amegppa appig. “Dawit nug danab imu ag uɗin, oo doyak ehanittak nai amenppa akkulagnu maatte uɗippig amu, am nahip dabmakppa nug diig amunu na mamen genab binag mekkunu hette dabmettemte? Amunu iitta. Dawitnu danab imu ag nagattoppa uɗin, ag oinna, wan imu lokkumakppa italna anidna, nug amegppa attem daatte appeg, Dawit nug uɗia, ig eɗigkkunu uɗippig,” aon appig.

1 Korint 13:5

Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.

1 Korint 13:7

Danab nug oo mauhak dootte ele nug uug oh maotte, nug hanhan ooppa genab doyak ele oitte. Nug hanhan Kayak nug ehanidkkunu dabmak aɗa daatte. Nug uug doyaya eɗittaknuib dabmak hanhan aotte.