2 Samuel 10:12 - Nobonob Baibel

¹² Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

2 Samuel 10:12 ပူးပေါင်းရင်းမြစ်များ

2 Samuel 10:11

Nug anam babaitta, nug Abisai amegppa aum. “Aram dilag daup ag da eɗilkkulagnu hekkulag dayeb amu, na uɗin da ehaniɗe! O iitta, Amon dilag daup ag na eɗidkkulagnu hekkulag dayeb, da ukken, na ehanidkkul.

2 Samuel 15:26

amge Nug dahilnu ena ii dootte dayeb, da Nug eppegppa daattem. Nug dahilppa attem hekkunu ena dootte amu, Nug anamib haɗ!” awa aum.

1 Stori 19:13

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

2 Stori 32:7

Nug aum. “Ag ɠagattag daan, oolagppa ele ɠagattag doyeg! Ag Asiria dilag king, nuhikkud daup huanaknab uɗin daatteb, ag amu dilag aib baɗappig, dabmak ahilag ele ahilagnu qe nak aib dayom. Aɗinu? Laa ig ele daattem, nuhig ɠagattag am Asiria dilag eɗidtte.

Nehemaia 4:14

Da amu hein maloya, da keeke oh antte, itale malen, da anuqak danab, Juda dilag ehanittak anuqak danab, amu danab ah laa oh ele amelagppa ami. “Ag kekeɗ dilagnu aib baɗappig. Naɗi, Nug ɠagattag okkai ele, danab Nug antta, ebehi oh bodoetta le mette elenu Kayak, Nug daatte amunu, ag Nug dabmenana, ag, ag awalkad amalkad, ag bekkalkad aɗelkad, ag waalkad, ag laulkad ele ena daaglagnu ban heig!” awe ami.

Nehemaia 4:8

Ag oolag huana nauhe, ag qagmena, ag banenig uɗin heppeg, ig danab ah Jerusalem daattem ele ootot daagnignu maittak aoppig.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Namba 13:20

Wan ele, ittag elete, ittag iittate, amu ad wan amuppa beppig daattebte, o iittate, ag amu ele neegna antteg! Ag eɗun uɗinna, ag ib nakok laa anidkkulag dayeb, ag wan amunu ad meu, keeke aon ele uɗiglag,” awa aum. Ag gokkulagnu daappig amu, haen amuam grep meu tatam lep meppignu haennab dayom.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

Duteronomi 31:6

Ag ɠagattag daan, ahilagnu aib ottaippig! Ahilagnu aib eheɗ nau baɗappig! Aɗinu? Yawe, ahilag Kayak, Nug ag noolag awa gokku. Nug ag ii uuadma, ag ii paɗualadma,” awa aum.

Duteronomi 31:7

Moses anam mattiowa, nug Josua he do, Israel ag anttegeg, nug nug amegppa aum. “Na ɠagattag daan, ootppa ɠagattag qettak ele daye! Aɗinu? Na geha anuqna, danab ah imu omaladppe, wan Yawe Nug ag mamelkad aɗi madakkunu nuhig nai ɠagattag qetta amelagppa aum amu, ag amuppa nokkulag. Na aakku anuqna omaladna nona, wan ag aulag daakkunu daatte aon, ag eppelagppa mekkut.

Hibru 11:33

Danab amu ag Kayaknu oolagppa genab dooppig amunu, ag wan laalappa ele ban hena eɗidna, ahilag wan aon, ag nai doya mala hettoɗia elele mettak kobol dim lamidna, epeɗiak tutukku hena, ag Kayak keeke madakkunu nai qakka aum amu aona, amu ag laion oɗelag qamutppig.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

Josua 1:18

Ig hepput, aun laa nug nahip haknunab nai tappeb nekku amu, nug mauhkku. Amge laippuib na hekkutnu daatte amu, na ɠagattag daanna, ootppa ɠagattag doye!” aon appig.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

Ikki Danab 10:15

Nug anam aum, amge Israel ag Yawe amegppa appig. “Ig hipunin hemut. Na nakka ig bu megakutnu oɗ medattem. Na bu attem megakkutnu dabmena megakkut am nahip-ppa daatte, amge na ehanigppe, ig kekeɗ eppelagppa ii daamtanu oɗ medattem,” aon appig.

1 Samuel 14:12

Ag akka akka anam anana, ag Jonatan, amu nuhig bannu keeke mawaknu nid ele onilahppa eppig. “Aa ihinigppa uɗipeɗ, ig doyak tutukku matagnig!” aon appig. Ag anam aeg, Jonatan nug nuhig bannu keeke mawaknu nid amegppa aum. “Yawe Nug Pilistia danab amu Israel eppelagppa meum amunu, na da dim lamiɗpe teɗu!” awa aum.

1 Samuel 14:6

Amu Jonatan, nuhig bannu keeke mawaknu nid ele aa goya goya, Jonatan nug nid amu amegppa aum. “Ahappe, i tuɗidɗa, Pilistia danab, ag Kayak ii dim lamidtteb ele, i ag daattebppa goɗu! I anam gopuɗ, Yawe Nug ehanitkkutai. Aɗinu? Ban eɗittaknu am, Yawe Nug danab gane daattebnu ii dabmette. Iitta! Kuɗumtai daatteb, o iitta laippu laippu aakkuib daattebtai; amu oh Kayaknu neekkakppa am keeke hamu. Nug laa ehanidkkunu dabmette amu, nug ehanidtte, aakkuib,” awa aum.

1 Samuel 17:32

Nug nai me ukke, Dawit nug doya, Saul gumitta ukka, noobppa dayaya, amegppa aum. “Naɗi, Pilistia danab umu, nug heeb, laa aib baɗom! Da, nahip maɗi nid, da goppi, nug ele ban hekkunih,” awa aum.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.

1 Samuel 4:9

Ag anam akka akka mattiona amu, ag nai tuɗidna, akka akka inam ele madippig. “Amge ig Pilistia danab, ig ɠagattag daatu! Ig danabnab daatu! Iitta dayeb amu, Hibru danab umu ag eɗigppeg, ag ihinig maɗi nid daappig amu, ig amubia ahilag maɗi nid daagnig. Anam bemanu amu, ig danabnab daat, ig ban ɠagattag hetu!” aon appig.