2 Samuel 1:26 - Nobonob Baibel

²⁶ O da amal Jonatan, da ool nahipnu huana dootte. Da nahipnu enaib doomi. Na dahilnu oot okkainab mauhom, amu da oo mauhak amunu enanag doomi. Ge, oo mauhak nahip amu, amuam ah nug danabnu oo mauhtte eɗittak.

2 Samuel 1:26 ပူးပေါင်းရင်းမြစ်များ

2 Samuel 1:27

O gadonnab gadon. Ban danab ɠagattag ag nena qeppig niitteb. Ag qep elab keeke, ag amuppa ban heppig ele amu, keeke amu oh aakku iitta meum.” Dawit nug Saul, Jonatan ele dilahnu mahiak nai amu mattiom.

Prowerb 18:24

Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.

1 Samuel 19:2

amunu nug ukka, Dawit antta, inam amegppa aum. “Na dabme! Da mamel Saul nug na mauhkkutnu aum amunu, butti buttua na dabmena autna awe! Na lokkumak aben ena aab okkai dimittim dad okkaippa anidna, na appa gona daye!

1 Samuel 20:17

Amu Jonatan nug nukka nug nuhignu oo mauhom, amubia nug Dawitnu oo mauhom amunu, nug he, Dawit nug baula Jonatan layag tuɗid daakkunu nuhig nai ɠagattag qetta aum.

1 Samuel 20:41

Am nid bau nug eɗua ugekke, Dawit nug men heqo laih yau uɗitteppanu aha uɗia, Jonatan gumitta do, gateg qaun o, gomela, iɗu wanppa me, haen ewam batom. Amu dimppa amu, aa nug ootuqidya gaapiɗ, amge Dawitnu gayak am Jonatannu gayak eɗittom.

1 Samuel 23:16

Dawit nug Hores dayeye, Saul bekka Jonatan nug Dawit gumitta ukka, ɠagattag qetta, Kayaknu ooppa genab doyak nuhig paɗamanu anana, Nug nai tuɗitta Dawit amegppa aum.