2 Samuel 1:23 - Nobonob Baibel

²³ O gadon, Saul, Jonatan ele. Aa bau daaeheh, danab ah ag ahilahnu oo mauhak dooppig. Ao, aa bau daaeheh, danab ah ag aa ele daaglagnu oolag heum. Aa bau daayya, aa laippu anam daapiɗ; mauhakppa ele aa laippu daayya mauhpiɗ. Ai igel nug nuhig haknu paha paha hagagaɗa gotte; amge Saul, Jonatan ele ai igel eɗidya hepiɗ. Doɗ laion nug ebehinab ele; amge Saul, Jonatan ele aa laionnu ɠagattag eɗidya oipiɗ.

2 Samuel 1:23 ပူးပေါင်းရင်းမြစ်များ

2 Samuel 1:24

O ag Israel ah, ag Saulnu gayeg! Aɗinu? Nug he, ag lamen kokoɗnab tagattappig. Ao, nug he, ag bala golppa hak meppig.

2 Samuel 2:18

Amu Seruia bekkod ewam, ag ban amuppa daappig. Ag onilag am Joap, Abisai am Asahel ele. Asahel nug doɗ gasel huana qaietta gotte, nug amubia huana qaietta gokkunu elele.

2 Samuel 23:20

Aria, Jehoiada bekka Benaia, nug am Kapsel danab, nug ele ban hak danab ɠagattag. Nug kobol okkai okkai, iɗu iɗu ele heum. Nug Moapnu ban danab ɠagattag aɗit aqatom. Deɗ laa sno neene, nug wan moɗ laa oɗe okkai ele ooppa noa, laion laa appa dayom amu, nug qe mauhom.

1 Stori 12:8

Amu Dawit nug atu taɗakppa ban haknu aben ɠagattag eleppa dayeye, Gad buɗubppan danab laala ag nug ehanidkkulagnu uɗippig. Ag am ban danab ag oolagppa ɠagattag doon, ag ban haknu bappaidna daappig. Ag guppiɗ, ban ele aɗan, ban hekkulagnu doon daappig. Ag laion ban ha, doɗ laa aɗa, qeeb mauhkkunu babaittaknab daatte, ag amubia daan, ag doɗ gasel qaukoppa qaietta gotte bia hekkulagnu elele.

Job 9:26

Dahil bau dayak haen am uub papairusppa hak, paha paha uug iitta doa gotte, amubia hette; am ai igel nug doɗ aokkunu haug aɗe te, kekaɗa wanppa nette, amubia dahil bau dayak haen am paha iitta mette.

Prowerb 30:30

Laa am laion, nug doɗ laa oh oolagppa ebehi ele, nug keeke laa baɗatta ii ooltte,

Solomonnu Ahi 5:16

Danab laa nug ee ubuhinab ele lakkunu oo huan hette, amubia da dahil danab ootuqitte, da anamnab doottem; nug iɗu tuqak aakkuib daatte, aɗitai laa nuhignu am nakok nau laa iitta, enanagib. O Jerusalem ah, amuam laa, nug dahilnu oo mauhtte ele, nug da layal.

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Gayak Nai 4:19

Ihinig kekeɗ ag eheɗ lamigppig; ag ai igel huan hagagaɗa gotte, ag amubia lamigppig; ag qaukoppa ele aɗaigkkulagnu lamigna; ag atu taɗakppa meigna daappig.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Ikki Danab 14:18

Nug nai nob danab amelagppa a doon, aab amunu danab ag deɗ eblaih aɗitppa aam ii no, ag gona Samson amegppa oɗmaknu nob inam meppig. “Aɗi amu uppuh leppunu ubuhi eɗittak? Aɗi amu laionnu ɠagattag eɗittak?” aon amegppa appig. Ag anam aeg, Samson nug ahilag nai nob ma aum. “Ag ah dahil oɗ ii mettalob, ag dahil oɗmak, nuhig nob unuqagnab daatte ele, ag amunu nob ii mehuqlob,” awa aum.

1 Samuel 18:1

Saul, Dawit ele aa mattiya malaeh, haen amuppa Saul bekka Jonatan, nug Dawitnu, da layalnab doya, Jonatan nug nukka nuhignu oo mauhtte, amubia nug Dawitnu oo mauhom.

1 Samuel 20:2

Dawit nug Jonatan amegppa anam mattie, amu Jonatan nug inam nob meum. “Da mamel nug nuhig dabmakppa na nidakkunu am iittanab iitta! Na ii mauhmana! Antte! Haen mama nug keeke okkai laa hekkunu oo daatte amu, nug tatam da amelppa atte. Awowa, dimppa nug hette. Anamib, haen nug keeke nakok laa hekkunu dabmette amu, amu ele, nug tatam da amelppa awowa, dimppa amu nug hette. Na attem amu, amu ele nug anam hekkunu dabmelo amu, nug ab, da doolom. Da doottem, mama nug na nitteb ii mauhmana! Iitta genab.” Jonatan nug anam aum.