2 Samuel 1:2 - Nobonob Baibel

² deɗ ewamppa danab laa, nug Saulnu haen tutu dayaknu aab kalappigppanu uɗiom. Nug nuhig lamen pattiɗatte dayeye, gappud ele igippa ma dayom. Nug uɗia, Dawit toppa ta, binag mekkunu, laippun gateg qaun o, gomela, iɗu wanppa meum.

2 Samuel 1:2 ပူးပေါင်းရင်းမြစ်များ

Genesis 22:4

Ag ukkaegeg, deɗ ewam uue, Abraham nug neekke ukke, aben amu uma anttom.

Genesis 37:29

Ag anam heegeg, Ruben nug appa ii dayom. Amge dimppa, haen nug eɗua uɗia, le moɗppa ukka neekka, Josep ii antta, nug oo uugnab doya, nuhig lamen pattiɗom.

Genesis 37:34

Anam ana amu, nug nuhig lamen pattiɗa, lamen heɗiag ele awa ma, bekka haen elab mahittom.

Genesis 43:28

Nug anam oɗ matte amu, ag appig. “Ig mamenig, nahip maɗi nid amu, nug uppa uma ena daatte,” aon appig. Anam ana amu, ag Josep binag mettaglagnu, ag gatelag qaun ona, gomelna autna aona, iɗulag wanppa meppig.

2 Samuel 1:3

Nug uɗia, anam he, Dawit oɗ mettom. “Na adeppan uɗime?” awa oɗ mettom. Oɗ mette amu, danab amu nug nob ma aum. “Da Israel dilag haen tutu dayaknu aab kalappigppanu ahe uɗimi. Kekeɗ ag iuppeg mauhkkulnu miagnab, amge da oole uɗimi,” awa aum.

2 Samuel 13:19

Tamar nug lamen anam takka oiyom amu, nug lamen amu pattiɗa, nug uhuɗ igippa ma, nug eppeg oh igippa ma, ⌊dup noa,⌋ huana gayaya ukkom.

2 Samuel 14:4

Joap nug anam he, Tekoa ah amu nug aha, King Dawit toppa ta, nug king binag mekkunu nug laippun gateg qaun o, gomela, iɗu wanppa ma, nug aum. “O dahil naɗi, dahil king, na ehaniɗkkutnu ool daatte,” awa aum.

2 Samuel 15:32

Ag anam gona gona, Dawit nug Olipnu Qauko igippa, danab ah aguppa Kayak noobppa dup nona Nug binag meppigppa, nug aguppa te, Ark danab Husai nug matu ta, appa dayom, nug ooppa guittak doya, lamen elab nuhig pattiɗa, gappud ele igippa ma, anam dayaya, Dawit uɗa teum.

2 Samuel 24:20

Dawit nug appa teete, Arauna nug neekke ukke, king, nuhikkud danab ele, ag nuhigppa uɗiegeg anatta, nug ukka, king noobppa gateg qaun o, gomela, iɗu wanppa meum.

2 Samuel 4:10

danab laa nug dahilppa uɗia, ‘Saul aakku mauhom,’ ana, nug, ‘Da nai ena Dawit medattem,’ dabmaama anam he, da nug aɗe hei, laa Siklak appa qei mauhom. Nuhig hak amunu da nob amu nug mettami.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Esta 5:1

Aria, deɗ aɗit uue, deɗ ewamppa amu, Esta nug kuinnu lamen elab nuhig ma, nug kingnu lag enanagnab ooppan haɗap-ppa ukka, king nug uɗat hetteppan oo guguittak hibaitta dayom. Dayeye, King nug sia king nuhigppa, kingnu oo amuppa daya, nug neekke odppa ukke dayom.

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Esekiel 27:30

Ag daanna, nahipnu huan mahinna, ag oo doyak okkainab doon gaaglag. Ag gappud aon, ikkilag laidna, ag aab uhuɗ oug meumppa niin, buɗibɗib oiglag.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Josua 7:6

Anam be, Josua nug Israel dilag ikki danab ele ag uug nau doon, ag lamen ahilkad pattiɗna, ag gappud ikkilkadppa mena, ag ahan gona, paha Yawenu Tituanak Nainu Kunup noobppa gatelag qaun o, gomelna, ag iɗulag wanppa mena daaeg ukke, uudoum.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.

1 Samuel 20:41

Am nid bau nug eɗua ugekke, Dawit nug men heqo laih yau uɗitteppanu aha uɗia, Jonatan gumitta do, gateg qaun o, gomela, iɗu wanppa me, haen ewam batom. Amu dimppa amu, aa nug ootuqidya gaapiɗ, amge Dawitnu gayak am Jonatannu gayak eɗittom.

1 Samuel 25:23

Dawit nug anam aawo amu, Abigel nug uɗia, gumitta doa, nug Dawit antta, nug paha donki attannu oola na, Dawit noobppa dayaya, nug gateg qaun o, gomela, iɗu wanppa meum.

1 Samuel 4:12

Aria, Pilistia ag Israel eɗatteg, deɗ amuppa Benyamin danab laa nug lamen nuhig pattiɗa, nug wan gappud igippa mewowa, nug ban hak abenppanu aha, qaietta Silo ukkom.

1 Samuel 4:16

Aria, danab nug nai awa uɗiom ele nug paha Eli toppa uɗia, nug Eli amegppa aum. “Da deɗ imuppa, geha iikkunab banppanu uɗimi,” awa aum. Nug anam a amu, Eli nug aum. “O da bekkal, aɗinab beum? Na appe doyei!” awa aum.