2 Samuel 1:19 - Nobonob Baibel

¹⁹ Nai amuam inam. “O Israel danab ah, gadonnab gadon. Ahilag okkai, ag binag amahlak oppiaawak ele, ag qaukoppa mauhppig niitteb. Ao, gadonnab, ban danab ɠagattag kuɗum ag nena qena niitteb.

2 Samuel 1:19 ပူးပေါင်းရင်းမြစ်များ

2 Samuel 1:23

O gadon, Saul, Jonatan ele. Aa bau daaeheh, danab ah ag ahilahnu oo mauhak dooppig. Ao, aa bau daaeheh, danab ah ag aa ele daaglagnu oolag heum. Aa bau daayya, aa laippu anam daapiɗ; mauhakppa ele aa laippu daayya mauhpiɗ. Ai igel nug nuhig haknu paha paha hagagaɗa gotte; amge Saul, Jonatan ele ai igel eɗidya hepiɗ. Doɗ laion nug ebehinab ele; amge Saul, Jonatan ele aa laionnu ɠagattag eɗidya oipiɗ.

2 Samuel 1:25

O gadon, ig Israel, ihinig ban danab ɠagattag, ag banppa nena qeppig. Ao, Jonatan nug qaukoppa mauhom niitte.

2 Samuel 1:27

O gadonnab gadon. Ban danab ɠagattag ag nena qeppig niitteb. Ag qep elab keeke, ag amuppa ban heppig ele amu, keeke amu oh aakku iitta meum.” Dawit nug Saul, Jonatan ele dilahnu mahiak nai amu mattiom.

Aisaia 4:2

Aria haen amuppa amu, Yawenu wan, am Israel amu, wan amuam aben anttaknu enanag, onig binag oppiaawak ele daakku. Am geha wanppanu ee meulkad ena huan obeppeg, Israel danab ah qagaiettaknu ii mauhppig daatteb, ag amu oh anidna, diig amunu ag oolag gamag huan ahebeb, danab ah laa ag binalag mekkulag.

Aisaia 53:2

Ee qaɗu yuɗ gai-iitta wanppanu bette, amubia Yawenu maɗi nid Nug noobppa ena meum. Ao, nug diɗi laa wan qaɗaiettakppa bette, amubia Yawenu maɗi nid nug Yawe noobppa ba, ena meum. Danab kuɗum ag danab laa, nug beɗu enanag, anttaknu ena ele amu, ag amu anidna, “Ihinig okkai aakku,” doon, ag nug dim lamidtteb, amge Yawenu maɗi nid, nug anambia iitta. Ao, danab kuɗum ag laa nug beɗu enanag, diig amunu ag, “Ig danab amu nug ihinig okkai daakkunu oonig daatte,” atteb, amge Yawenu maɗi nid nug amubia ii dayom. Iitta.

Gayak Nai 2:1

⌊Israel ag hipunin heegeg,⌋ Naɗi Nug he, nuhig oo nauhak ag tonattom daatte. Anukka Sion am binag okkai ele, amge gemu Jerusalem am binag nakok laa ele iitta. Nug oo nauhak okkai doya; Nug Jerusalemnu, “Aab dahil,” dab-ii-meum.

Gayak Nai 5:16

Ig king laa, nuhig king haɗ wanppa na qeum daatte, ig amubia daattem; ig hipunin hemut amunu, ihinignu am gadonnab gadon.

Sekaraia 11:10

Da anam awoya, da dudqak hokkat dahil onig Ehanidkkulnu Ool Daatte am awen qiimi. Amuppa da nug tituana nai qakkaknu nai, da Israel danab ah ele hemut amu, nai amuam aakku hei iitta meum ippunadmi.

Sekaraia 11:7

Yawe Nug anam aum amunu, da Sekaraia, da sipsip ameg laa, danab ag baalag otaɗadna meppeg, laa daden mena lakkulagnu tituanak daappig amu, da sipsip amu dilag gumak danab daami. Da sipsip laa ag eheɗ nau aoppig ele atognoatte aute aomi. Da dudqak hokkat aɗit awen, da laa onig Ehanidkkulnu Ool Daatte ataɗen, laa da onig Laippu Dayak ataɗmi.

1 Samuel 31:8

Ban hak amu anam ukke, Israel ag oolna ukkaeg, wagɗe deɗ amuppa Pilistia ag Israel ban danab mauhppig beɗulagppanu keeke akkaglagnu uɗippig. Ag keeke aona oina, Saul mauhom gaɗa, nug bekkod ewam mauhppig gaɗalag ele qauko onig Gilboa niiegeg anadppig.