2 Samuel 1:1 - Nobonob Baibel

¹ Aakku, Saul nug anam mauhom. Saul mauhe, Dawit nug Amalek danab eɗattomnu ukka, Siklak dayeye, deɗ aɗit uue,

2 Samuel 1:1 ပူးပေါင်းရင်းမြစ်များ

Genesis 14:7

Aben amuppa batana, ag eɗun, Enmispat, onig laa Kades, ag appa uɗina, ag Amalek danab oh eɗadppig. Eɗadna amu, ag Amo danab, Hasason Tamar daappig amu, ag ag ele eɗadppig.

1 Samuel 27:6

Dawit nug anam a, deɗ amuppaib Akis nug aab laa onig Siklak Dawit mettom. Nug aab Siklak Dawit mette, haen amu dimppa aab Siklak amu baula Pilistia dilag aab ii dayom. Iitta. Aab amuam haen amu dimppa uɗiak Juda king dilag dayom.

1 Samuel 30:1

Akis Dawit amegppa nug nuhig ban danab huu ele eɗun gokkulagnu a, aakku ag eɗun deɗ aɗit gona, gona, deɗ ewamppa ag aab ag daattebppa teppig. Aab amu onig Siklak. Ag gona, aab ag daatteb ele amuppa teppig, amge haen ag ii daaegeg, Amalek ban danab huu ag uɗin, Juda wan laih ulah yau uɗitteppanu, appa ban henan, uɗin Siklak aabppa ele ban heppig. Ag banelag uɗin, ban hena, aab Siklak manaeg ewom.

1 Samuel 31:4

Saul nug guittak anam awa, nug danab bannu keeke nuhig maotte ele amegppa aum. “Pilistia danab amu, ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.

1 Samuel 31:6

Keeke amu beegeg, deɗ amuppaib Saul, nug bekkod, nid danab ewam, amu danab Saulnu ban hak keeke mawom, amu ban danab laa ag Saul gumappig ele, ag oh deɗ amuppaib mauhppig.