2 Pita 3:2 - Nobonob Baibel

² Amu da ag Kayaknu propet ag nai appig, amu ag daulagppa dokkunu, ihinig Naɗi, Nug ihinig Padal ii maknu ehanittak ele daatte amu, nuhikkud totol danab ag Nug oɗeppanu haknunab nai aon ag amelagppa madippig amu, da nai aɗit amu oh ag daulagppa dob, ehanadkkunu ool daye yaami.

2 Pita 3:2 ပူးပေါင်းရင်းမြစ်များ

Luk 24:27

Nug anam amelahppa awowa, Nug Mosesnu naippa digme ukke, Kayaknu propet oh dilag nai ele nuhignu nai aum niitte amu, Nug amu oh diig mehuqom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Aposel 10:43

Nuhignuib propet ag inam yaappig. ‘Aun aɗi ag Jesusnu oolagppa genab dootteb ele amu, Kayak Nug, Nug onigppa, hipunin ahilag uhuqa madakku.’ ” Pita nug anam aum.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Aposel 3:18

Kayak Nug anukka nuhikkud propet oh oɗelagppa, nuhig Kristus, Nug guittak nau amu aokkunu ana mehuqa aum. Nai amu niie uɗie, ag amu heppig amu, amuppa Kayak he, nuhig nai aakku meu oum.

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

Galesia 6:2

Ag nug ehanittak henana, uug ahilkad maweg! Ag kobol amu henana, ag Kristusnu ɗo elele dim lamidkkulag.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

Epesus 3:5

Anukka Kayak Nug nai lokkumak amu miag ii atiom, amge gemu Nug nuhig Ouɗippa Kayak Nug nuhikkud totol danab, amu nuhikkud propet eleppa he, nai amu miag atiom.

1 Timoti 6:14

Nai am inam. Na Kristusnu nai tutukkunab elelenab dim lamidppe ukkeb, ihinig Naɗi Jesus Kristus eɗua uɗikku batakkut.

2 Pita 2:21

Anam daatte amunu, ag kobol tutukkunu ib ii doolob, amuam nau, amge ag ib ena doonna, eɗun ib eheɗ oina, ag Kayaknu ɗo nai ag aoppig ele dimettaglag dayeb, amuam naunab nau.

2 Pita 3:15

Naɗi Nug danab dilagnu oo bodoettak ele dootte, Nug amuppa ag oolag eɗueb, Nug ag eɗua diiadkkunu haen madatte, ag amunu dabmenan antteg! Amu ig lainignab Pol, Kayak Nug nug ele doyak dabmak ena ele mettom, uɗug ahilagnu yom amu, nai imu amuppa ele anam daatte.

2 Pita 3:16

Pol nug uɗug laala ele yaalattom, amu amuppa nug keeke oh da yaami, nug amunu ele yom. Nuhig yaakppa keeke laala doya oo maittaknu am uug ele, amu danab laala, ag am danab doyak elele ii awak, ag ooppa genab doyaknu mehuqak oh pehettak ele ii dootteb amu, ag Polnu nai amu ebqena, mehuqak augigiak, ag Kayaknu nai laala mehuqak augigiak hetteb bia hena, ag akka ag nob nau aoglagnu aakku ib bappaidtteb.

1 Jon 4:6

Ge ig am Kayaknu amunu, aun nug Kayak dootte amu nug ihinig nai dootte. Amge aun nug Kayaknu danab iitta amu, nug ihinig nai ii dootte. Amuppa ele ig aun nug Kayak Ouɗi oɗe awa, nai doyak diig genabibppanu maditte, amu aun nug wan imuppan okkai oɗe awa, nai genab iitta maditte ele doottem.

Jut 1:17

Amge O lailad, ihinig Naɗi Jesus Kristusnu totol danab ag anukka Kayak oɗe aona, butti aɗi, aɗi bekkunu daatte amunu nai mehuqppig amu daulagppa doaɗ!

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.