2 Pita 3:12 - Nobonob Baibel

¹² Ag anam daanna, ag Kayaknu deɗ, deɗ amuppa hab, amu nuhig keeke oh ele aabnu gakkaɗakppa eon iitta mekkulag amu, ag deɗ amu tappaɗidnana oiyeg!

2 Pita 3:12 ပူးပေါင်းရင်းမြစ်များ

2 Pita 3:10

Naɗinu deɗ am yabhok danab nug danab ii dabmetteb haenppa oitte, amubia uɗikku. Deɗ amu geha oqotti naɗinab oobob, hab iitta meeb, habppan keeke, amuam aam, kalam, keeke, keeke amu oh eon iitta mebeppeg, wan, amu keeke oh wanppa daatteb ele, amuam Kayak epeɗiadkkunu miag atiak daaglag.

Aisaia 34:4

⌊Haen amuppa⌋ Yawe Nug heeb, habnu keeke, amuam aam kalam hoɗoppai keeke, keeke amu oh iitta mekkulag. Ao, Nug hab itoɗieb, qak daakku. Hoɗopai oh ag muɗi grep uɗulkad qaɗaiettan, nena qetteb bia nena qekkulag. Ao, ag ad fig uɗulkad qaɗaiettan, nena qetteb bia nena qekkulag.

Maika 1:4

Le qaukoppanu huan nette, amubia Yawe Nug qauko igippa oiyeye, qauko ag le mena netteb. Ao, danab uppuh biig aab aɗu guguittak me, laih le me, laih amuam oolnu noak bia daatte, amubia oolnu noak Nug noobppa betteb.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Aisaia 24:19

Wan ⌊eheɗ naunab nau uɗalala,⌋ panakku. Wan paneb ukkeb, oɗe okkai okkai daakku. Wan eheɗ nau hahaɗkku.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

2 Pita 3:4

Ag ihaklel henana, “Jesus uɗikkunu nai qakka aum amu adekku?” akkulag. Laa ele ag, “Ig mamenkad ag Nug eɗua uɗikkunu ameg men daaegeg ukke mauhppig, amge digmakppan uɗie gemu ele wanppanu keeke beppig daatteb bianab gemu ele daatteb!” aon akkulag.

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.