2 Pita 3:1 - Nobonob Baibel

¹ O lailad, imuam ad uɗug aɗit batak ahilagnu yaami. Uɗug aɗit ohppa nai yaami amu, ag tatam dooppig, amge da ag dabmak ahilagppa keeke amu oh genabnab dooglagnu, da dabmak maɗattak nai aakku yaami.

2 Pita 3:1 ပူးပေါင်းရင်းမြစ်များ

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Sam 73:1

Amu genabnab, Kayak Nug am Israel danab ah dilagnu ena hadatte. Ao, Nug am laa ag oolag unuqagppa oppiak ele daatteb dilagnu ena hadatte.

Matyu 5:8

Danab aun aɗi ag oolagppa oppiak ele amu, ag itittak ena aoppig daatteb. Aɗinu? Ag Kayak anidkkulag.

2 Korint 13:2

Ag danab matu hipunin heppig, danab laa oh ele amu, da haen ebqak aɗit ahilagppa gomi, haen amuppa da ag ele oh daata, da kobol aɗi ag oolagppa hekkulnu amu aakku ai, ag dooppig. Aria, gemu ele da ippa dayeye, da am nai imu eɗue inam attem. Haen da baula eɗue ag gumatte ukke, da danab hipunin tatam heppig o iitta gemu hetteb amu, da nob madakkulnu ag ii uuadpa. Iitta!

1 Timoti 5:22

Na danab laa paha aon, tamaniak ikki daakkunu eppen qaɗeppa aib meme. Na laa ag hipunin hetteb ele amu, na ag ele hipunin aib heppig! Na nakka beɗun atognonana, oppiak daye!

2 Timoti 1:6

Amunu amu, da na dautppa dokkunu imu attem. Haen da eppel na qaɗenppa memi, haen amuppa Kayak Ouɗi Nug nuhig ɗo hamu mettak laa mettom daatte amu, na haen oh ɗo hamu mettak amu maɗettan, uɗat mette!

Hibru 6:9

O lailad, genab gemu ig nai uug ele ag dooglagnu madittem, amge ig genab doottem, ag padal mak anam bia ii aomna. Iitta! Kayak Nug eɗua diiom amuppa ag ehanittak aotteb.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:11

O lailad, ag laihnu danab, aab diig danab iitta wan imuppa daatteb amunu, da ag beɗulagnu kobol nau, kobol amuam ag hanhan ig Kayak amegppa danab ena daamtanu wagai metteb ele amu, ag kobol amu ii hemananu dabmak maɗettak nai iikku madattem.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

2 Pita 3:17

Amunu O lailad, ag keeke amunu dooppig daatteb amunu, ag akka guppiɗ ahilkad ag eppelagppa aɗan, nai tappaeg nak danab ag ag eeɗadppeg, ag ahilag ib eheɗppa gona, ag Kristus eppegppanu, ag aguppa enanag daatteb amu, ag appanu nena qemananu, ɠagattag dayeg!

2 Pita 3:8

Amge keeke laippu imu amu, ag aib daulag atiom. O lailad, Naɗinu neekkakppa amu deɗ laippu amu maɗ 1,000 ele otiak laala ii daatte. Iitta. Nuhig neekkakppa Nug haen aɗit amu laippuib bia dootte. Maɗ 1,000 amu deɗ laippu bia daatte, amu deɗ laippu amu maɗ 1,000 bia daatte.

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.