2 Pita 2:9 - Nobonob Baibel

⁹ Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

2 Pita 2:9 ပူးပေါင်းရင်းမြစ်များ

Job 21:30

Amuam inam. Kayak Nug danab ah laa oh bu madakkunu heehe, eheɗ hak danab ag bu ii aotteb. Ao, laa heehe, eheɗ hak danab ag bu awak haenppa bu ii aotteb.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.

Sam 12:1

O Yawe, genab tutukku hak danab ah ag iitta meppig bia amunu, na ig ehanigkkutnu oɗ medattem! Ao, laa nug neekka, wanppa danab, o ah laa nug oo metta ii uuak kobol dim lamidtte ii anidma amunu, na ig ehanigkkutnu unuqidttem!

Sam 32:6

Amunu O Yawe, danab oh ag genab tutukku hak kobol dim lamidtteb ele, ag uug bette haenppa na unuqidkkulag am ena. Ao, ag na unuqidkkulag dayeb amu, uug okkai, le naɗi hiɗ bette bia beeb, uug amu ii tonadma.

Sam 37:33

Amge Yawe Nug genab tutukku hak danab ah, ag hipunin danab eppelagppa ii uuatteb daamna. Ao, hettoɗiakppa Nug ag uuatteb, bu ii aomna.

Sam 4:3

Ag imu doyeg! Yawe Nug genab tutukku hak danab, nuhig daaglagnu epeɗiom. Yawe Nug da Nug unuqitti dootte.

Prowerb 12:13

Eheɗ hak danab ag nai nau mattinna, pelemppa tetteb; amge genab tutukku hak danab ag anam iitta, ag uugppa ii notteb.

Prowerb 16:4

Yawe Nug keeke oh Nug oo hette bia gokkunu bappaidtte; nau hak danab ag ele ag akka ahilag hakppa bu awaknu deɗppanu bu aoglagnu bappaidtteb.

Matyu 10:15

Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

1 Korint 10:13

Eheɗ haknu eeɗak laanab ag beɗulagppa ii bette. Iitta. Danab oh aotteb amuib. Amu Kayak Nug hanhan ehanigkkunu oo metta ii uuak kobol dim lamidtte amu, Nug eheɗ haknu eeɗak haenppa ele ehanigkku. Eheɗ haknu eeɗak amu na eɗidmanu Kayak Nug na ehanitta, eheɗ haknu eeɗak okkainab, na eɗidkkunu elele, amu bemanu amu Nug aib akku. Ge! Haen na eheɗ haknu eeɗak aottem ele amu, haen amunab Nug na eheɗ haknu eeɗak waappa daamnanu ɠagattag medakku, amu amuppa Nug eeɗak amu eɗidkkunu ib medakku.

2 Timoti 3:12

Amu aun laa oh ag Kristus Jesusnu daanna, ag genab tutukku danab daaglagnu oolag daatte ele amu, ag eheɗ hettak aoglag.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

Jut 1:6

Aria, keeke laa amu, engel laa ag maɗi ahilag Kayak nug ag amu hekkulagnu ehah mattom amu, ag amuppaib daaglagnu oolag ii daye, okkainab daaglagnu dabmena, ahilag dayaknu aben uuppig. Ag uuppig amunu, Kayak Nug haen ohnu qakkalatta, maniguittak gatatu eleppa maattom daan, hettoɗiak deɗ naɗippa epeɗiak aoglagnu ameg metteb.

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

1 Samuel 29:10

Anam daatte amunu, Dawit, butti buttuanab na nahipad huu ele, ag Saul uun, na ele da gumiɗna uɗippig amu, wagɗebeb ag oh ahan, eɗun ukkeg!” awa aum.