2 Pita 2:8 - Nobonob Baibel

⁸ Lot, nug am genab tutukku hak danab, nug ag oolagppa dayeye, deɗ deɗ ppa nug kobol nau ahilag amegppa antta, daugppa ele doya, nug ena iinab doyaya, guittak ele doyom.

2 Pita 2:8 ပူးပေါင်းရင်းမြစ်များ

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Sam 119:139

Dahil kekeɗ ag oolag eɗueb, na dim lamidkkulagnu uɗat hekkulnu yag-nab-bak doye, hei ukke, da ebehil bodoettom. Aɗinu? Dahilad kekeɗ ag nahip nai dimettan, ii dim lamidtteb.

Sam 119:158

Danab ah ag na aɗi attem, ag amunu oolagppa genab ii dootteb, ag nahip nai ii dim lamidtteb amunu, danab ah amunu da oolppa uuaknab doottem.

Prowerb 25:26

Genab tutukku hak danab nug nuhig dabmak eɗue, nau hak danab dilag hak hette; amuam le qeppuɗia bakppan le laa heeg, muag ele daatte, o le moɗ dubuttid ele daatte, amubia daatte.

Prowerb 28:12

Haen genab tutukku hak danab ag okkai danab betteb amu, danab ah oh ag gamag ahak aotteb; amge haen nau hak danab ag gumak aben aotteb amu, danab ah ag wana lokkumtteb.

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

1 Timoti 1:9

Ig ele doottem, ɗo nug genab tutukku hak danab dilagnu ii daatte. Iitta. Ɗo nug ɗo ii dim lamittak danab dilagnu, am nai tappe nak danab dilagnu, am Kayak dimettak danab dilagnu, am hipunin danab dilagnu, am laa Kayaknu oppiaawak ele ii daatteb dilagnu, am laa Kayak dab-ii-mena wannu kobol dim lamidtteb dilagnu, am laa ag mamelkad anilkad aqaeg mauhtteb dilagnu, am danab ag lailkad aqaeg mauhtteb dilagnu,

Hibru 11:4

Abel nug Kayaknu ooppa genab doyom amunu, nug mana mettak, Kain eɗittak, mana mettak enanag heum, amu Kayak nuhig mana mettaknu amu enanag antta nuhignu, “Genab tutukku hak danab,” awa aum. Abel nug am anukka mauhom, amge nuhig ooppa genab doyak am ig aɗi hekkunignu gemu ele ig ippunigtte.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.