2 Pita 2:3 - Nobonob Baibel

³ Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

2 Pita 2:3 ပူးပေါင်းရင်းမြစ်များ

Job 6:27

⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.

Sam 18:44

Wan laihnu danab ah ag da aɗi attem doon, laippun ag akka da oɗel dim lamidtteb. Ao, wan laihnu danab ag da noolppa beɗulkad aɗaeg nette.

Sam 66:3

Ag Kayak amegppa inam aig! “Keeke na hattame am enanagnab. Danab ag amu anadna, ag ebehilag oh bodoetta le mette. Ɠagattag nahip am okkainab, amu nahip kekeɗ ag amu doona, ag baɗana, na noomppa gatelag qaun ona daatteb.

Sam 81:15

Laa ag Yawe da, dahilnu nau ninig ele dootteb amu, ag baɗan, da noolppa dup nolob. Ao, ahilag bu am iitta ii melo.

Aisaia 5:19

Laa ag, “Ig nuhig uɗat anidkkunignu Israel dilag Kayak Nug keeke laa ihinignu dabmette ele amu, keeke amu Nug paha haɗ!” atteb amu, ahilagnu am gadonnab gadon. Ao, laa ag, “Ig amu doognignu, Israel dilag Kayak Oppiaawak Ele Nug aɗi keeke hekkunu maittak awom amu, Nug amu heeb baɗ!” aon atteb amu, ahilagnu am gadonnab gadon. ⌊Ag padal mekkulag.⌋

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Aisaia 60:22

Ag Juda ag oolagppanu aab ikki laa, aab ikki amuam danab kuɗum iitta amu, ag dahil ehanittakppa appatna, kuɗumnab daaglag. Ao, aab ikki nakoknab, aab ikki laa oh aab ikki amu eɗidtteb amu, aab ikki amuam appatppeg, huu naɗinab, ɠagattag ele daakku. Da am Yawe. Da keeke imu bekkunu haen uɗieb amu, da paha heppi bekku.” Yawe Nug anam atte.

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Jeremaia 8:10

Ag dahil nai geɗidna, ii dim lamidtteb amunu, da heppi, kekeɗ ag uɗin eɗadna, danab laa ag ahilag wan, ah ele diippeg, ahilkad daaglag. Aɗinu da anam hekkul? Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Ao, propet danab, mana mettak danab ele ag hambuppuak kobol dim lamidtteb.

Esekiel 13:19

Ag ah ag uɗat nau ahilag hekkulagnu aeg, danab ag bali aeg nakokib mattan, bret huppu laib laib ele mattaeg hetteb. Ag ah eheɗ hetteb ele ag keeke nakok amuppaib ag heeg, da onil oppiaawak ele dahilad danab ah laa dilag neekkakppa hamu bia daatte. Dahilad danab ag nai hambuppuak dooglagnu uug ii doon aotteb amunu, ag ah eheɗ amu hetteb ele, ag nai hambuppuak anam aegeg, danab mauhkkulagnu ii daappig ele ag mauhtteb; laa ag mauhkkulagnu elele amu, ag ii mauhtteb,’ ” awa atte.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Habakuk 3:3

Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Matyu 23:14

((O gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag.))

Luk 18:8

Da ag amelagppa attem. Nug am paha ag ehanadkku. Amge Danab Bekkalag da, da eɗue uɗien, haen amuppa geha da wan danab ah ag ooppa genab doyak ele anadkkulte, o iittate?” awa aum.

Luk 20:20

Aria mana mettak danab okkai amu ɗo mehuqak danab ele ag Jesus meidnana daanna heeg, ameg qakkak danab laala ag ahan Jesus gumidna goppig. Ag gona, Nug noobppa danab tutukku bia henan daappig, amge ag nuhig nai mattiak amuppa, ag ib laa anidna, aon gabmannu hettoɗiak eppegppa mekkulagnu heppig.

Luk 22:47

Jesus nai amu amelagppa anana dayeye, danab kuɗum uɗippig. Judas, nug am ippunittak awak danab 12 oolagppanu laa, nug anuqa uɗia, Jesus ootuqidkkunu gumitta ukkom.

Jon 2:16

Nena qena, danab uppuɗil beɗulag nakok ele dadennu maatteg daden maadppig ele amelagppa aum. “Keeke amu akkan ukkeg! Ag da Mamel laug amu aib heppeg, ee oɗiak aben bia dayom!” awa aum.

Rom 16:18

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

Duteronomi 24:17

Ag wan laihnu danab ah dilagppan nai doya mala hettoɗia epeɗia elele mettak kobol dim lamidkkulagoitte. Ag nid naunau mamelkad mauhppig ele dilagppa ele anam hekkulagoitte. Ag ah qabnu lamen, keeke lonnu onig awak daakkunu ii aoglagoitte.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

1 Timoti 3:8

Aria, Kayaknu tamaniaknu toliak danab ag danab laa ag ahilagnu ena elele dooglagnu elele daan, ag danab oɗelag aɗit ele ii daamna. Ag wain huana ele ii lamana, amu ag danab enulag hamu yabhok ele ii aomna.

1 Timoti 6:5

danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.

2 Pita 1:16

Ig kaya, hamu doyaknu am ittag qak ele, auntai laa nug nukka, nuhig dabmakppa he beppig amu, ig kaya amu laa aot, ihinig Naɗi Jesus Kristus, Nug wanppa uɗiom, Nug am ɠagattag ele, ig amunu ag amelagppa ii mattimut. Iitta. Ig amenigppanab, Nug am danab dagom onig ɠagattag ele anidmut, amu ig amunu ag amelagppa mattimut.

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Jut 1:16

Danab amu ag naittuɗ mak naunab metteb. Ag ahilagppa kobol aɗi bette, ag amunu oolag nauhtte. Ag beɗu kobol eheɗ ahilag dim lamidtteb. Ag akka beɗulag humaglagnu oɗelag alala ebatte. Amu ag danab laa dilag keeke aoglagnu dittuanin mattan, oo eeɗaknu nai ittag ele maditteb.

Jut 1:4

Da nai inam yaattemnu diig am, ippunittak danab hambuppuak ag matu tamaniak ooppa lokkumna noppig daatteb. Danab amu, ag am Kayaknu nuhig haknu ele uuak danab amu, ag atteb. “Ig Kayak baegppan danab bewota, kobol eheɗ kuɗum hetata, ig Kayaknu ehanittak okkai hamu mettak, ig amuppa ig nuhig hettoɗiak deɗ eɗidkkunig,” aon atteb. Ag ele Jesus Kristus guhuɗidtteb; Nug am ihinig Naɗi, ihinig Gumak Danab Anuqak. Anukka danab laa nug Kayak naippa danab amubia dilagnu nai yom daatte, amubia ag am genabnab nob nau aoglag.

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.