2 Pita 2:18 - Nobonob Baibel

¹⁸ Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

2 Pita 2:18 ပူးပေါင်းရင်းမြစ်များ

1 King 13:19

Aakku Kayaknu propet Judanu, nug nai amu doya, nug ahe, propet kaino ele eɗuya, nug laugppa goya, ee, le ele mette laum.

Esekiel 35:13

Ag dada danab daan, dada danab nug layagnu nai nau maditte, amubia ag wan da Israel, Juda ele mattami aoglagnu mattinna, dahilnu nai nau huanak appig, amge da nai amu oh ele doomi,” awa atte.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Aposel 2:40

Am Pita nug nau aomnanu dabmettak nai kuɗum laa ele nai mattiaya unuqattatta amelagppa inam aum. “Ag lailkad ag kobol nau hetteb, amubia ag aib heppig. Iitta! Ag oolag eɗueb, Kayaknu ehanittak aweg!” awa aum.

Aposel 8:9

Ag oolag anam doyeg amu, danab laa aab okkai amuppa dayom, nug onig Saimon. Anukka nug am onig awak kobol heehe, Samaria danab ah oh ag nuhignu dabmak kuɗum aoegeg, nug nukka binag ma, “Da am danab okkai,” attom.

Rom 13:13

Amu ig danab nug amunppa tutukku kobolppa oitte bia oitu! Ig aib goɗak qiɗ nau heta, le ɠagattag nau ele aib laut, kaaka iqom. Ig aib gappai kobol heta, hipaɗu ahak kobol ele aib hemut. Ig aib nug aidtata, laa dilagnu, ihinigppa anam daalon dabmak aib aɗat daamut.

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.

2 Pita 1:4

Nug nuhig ena hak kobol, Nuhig binag amahlak oppiaawak ele amuppa Nug keeke enanag kuɗum oh ig megakkunu nai qakka aum amunu, amuppa ag wan imuppan kobol nau, ig beɗunig amu hekkunignu eeɗigtte ele amu, ag amu ele eɗidna, ag Kayak daatte bia daaglagnu elele daatteb.

2 Pita 2:14

Hambuppuak ippunittak danab amu ag ewau pakkua gappai hak kobol hekkulagnu ah oh neekkadnana daatteb, ag hipunin hekkulagnu oolag ahakib daatte. Ag kobol amu henana, laa ag kobol tutukku dim lamittaknu bodoettak amu eeɗatteh, ag hipunin hetteb. Ag baubau awaknu hik aqeeqe men doɗo awaknu kobol amu, ag amu doon autna aotteb. Ag eheɗ laa awaknu anak waappa daanna oitteb.

2 Pita 2:2

Am ele, geha danab laa kuɗum ag danab amu, ahilag kobol nau aon dim lamidkkulag amunu, danab kuɗum laa ag ib genabnu nai nau akkulag.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

2 Pita 2:7

Kayak Nug haen amuppa Lot, nug am genab tutukku hak danab, nug nai tappe nak danab dilag kobol eheɗnabnu ameg bahi yom ele amu, Kayak Nug nug nauhmanu ehanittom.

2 Pita 3:17

Amunu O lailad, ag keeke amunu dooppig daatteb amunu, ag akka guppiɗ ahilkad ag eppelagppa aɗan, nai tappaeg nak danab ag ag eeɗadppeg, ag ahilag ib eheɗppa gona, ag Kristus eppegppanu, ag aguppa enanag daatteb amu, ag appanu nena qemananu, ɠagattag dayeg!

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Revelesen 13:11

Aria, da doɗ dakkuɗ laa anidmi; nug wan ooppanu beebe anidmi. Nug am qeqeɗi aɗit ele, qeqeɗi amuam sipsip nag qeqeɗi bia, amge nug mat naɗinab nai maditteb bia nai mattiom.