2 Pita 2:16 - Nobonob Baibel

¹⁶ Amge Balam nug kobol nau amu uukkunu, doɗ donki, doɗ amu nai ele ii maditteb, nug danab baag awa propet Balam amegppa nai mattia, daug batom.

2 Pita 2:16 ပူးပေါင်းရင်းမြစ်များ

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

Hosea 9:7

Israel dilag bu awak haen aakku uɗitte. Ao, ahilag noob awak haen aakku uɗitte. Israel danab ah ag amu doyeg! Ag Israel, ag hipunin kuɗum henana; ag Kayak, nuhikkud danab ele dilagnu kekeɗ mattan daatteb amunu, ag propet dilag, “Ag am ootot,” atteb. Ao, danab Kayak Ouɗi ehanatte, ag nai maditteb ele, ahilagnu ag, “Ag kaaka,” atteb.

Luk 16:11

Am anamib ag enub, men doɗo, wan imunu ag amu ena dabmettaglagnu oo metta ii uuak kobolppa dab-ii-madatteb dayeb, geha aun nug ag keeke genab gumaglagnu uɗat madakku.

Aposel 26:11

Haen kuɗum da Juda dilag nai doyak lakka ukkatten, da laa Jesusnu oolagppa genab dooppig ele bu mattami. Amuib iitta, da ag Jesusnu dabittak nai mattiglagnu ele wagai memi. Da ahilagnu oppoɗi bak huanaknab doomi amunu, da atu laihppan aab okkai laalappa ele eheɗ hadakkulnu appa dim lamadmi.