2 Pita 2:1 - Nobonob Baibel

¹ Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

2 Pita 2:1 ပူးပေါင်းရင်းမြစ်များ

1 King 22:6

Jehosapat nug anam a, aria Ahap, Israel dilag king, nug he, propet danab, ahilag ebqak am 400 anam, ag uɗieg, nug ag oɗ mattom. “Da Ramot, Gileat wanppanu, banelag ukken, aab amu eɗue aokkulte, o iitta da iitai gopa?” awa oɗ mattom. Nug ag anam oɗ matte, ag appig. “Na ahan ukke! Naɗi Nug aab amu na eppenppa mekku,” aon appig.

Eksodas 15:16

Ao, baɗak eheɗ nau okkainab ag tonatta daakku. O Yawe, ag nahip ɠagattag anidna, ag toettan daaglag. Ge, ag keeke laa hekkulagnu elele iitta. Ag anam daappeg, nahipad danab ah ig, ig ag qe-eɗadta gokkunignu gottemppa gokkunig. Ao, ag anam daappeg, ig danab ah na Isipnu eɗun awigme amu, ag anam daabppeg, ig qe-eɗadta gokkunig.

Aisaia 9:15

Ikki amuam ahilkad ikki danab, ahilkad danab onilkad ele. Boob amuam propet danab ahilkad, ag nai hambuppuak danab ah amelagppa mehuqtteb ele.

Jeremaia 29:21

Yawe Nukka Ɠagattag Oh Ele, Israel dilag Kayak, Nug Kolaia bekka Ahap, am Masea bekka Sedekaia ele, aa am ahilti propet aɗit, aa hambuppuya, aa Yawe keeke laa ippuanatom attep, amge Nug ii ippuanatom. Aa dimppa aɗi bekkunu nai hambuppuak amu madittep, amge aa mattieheh, Yawe Nug danab aɗit amu dilahnu aɗi atte amu, ag Babilon appa diia ukka laih me dayak danab ah daatteb, ag doyeg! Nug atte. “Da heppi, aa Babilon dilag king Nebukatnesar eppegppa daapeɗ, ag laa ag neegna daappeppeg, Nebukatnesar nug heeb, aa mauhkkulah.

Jeremaia 37:19

Propet laa ag dimppa aɗi bekkunu nai genab iitta mattina, ag na amenppa, ‘Babilon ag uɗin, na nittaglagnu, wan imuppan danab ah ele aqaglagnu ban ii hemana,’ appig amu, ag gemu adeppa daatteb?

Jeremaia 6:13

Amu Yawe Nug atte. “Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Propet danab, mana mettak danab ele ag hambuppuak kobol dim lamidtteb.

Gayak Nai 2:14

Ag Israel, ahilag propet ag tulegleg laala anidppig, amge tulegleg amuam hambuppuak; laa ehanidkkunu elele iitta. Ao, ag Juda danab ah ag hipunin henana, ag bu okkai aoglagnu aakku oippig, amge propet ag, ag Juda bu amu, amuam wan laappa diia ukka laih me dayak danab ah daaglagnu, ag bu amu ii aomnanu ippu ii ippunadppig. Nai ag madappig ele amu; nai amuam nai hambuppuak. Nai amuam ag omalatte, ag ib apiɗidna, eheɗ goppig.

Hosea 9:8

Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.

Maika 2:11

Propet danab nau laa, nug hambuppuak danab nug uɗia, ‘Da dimppa aɗi bekkunu nai ainne, ag le ɠagattag aon lanan, oo gamag ahakib dooglagnu ippu ippunadppi doon dim lamidkkulagnu uɗie hettem,’ akku dayeb amu, nug am propet danab ahilagnu elelenab.” Yawe Nug anam atte.

Maika 3:11

Jerusalemnu danab okkai ag epeɗiak henana, ag lokkumakppa eheɗ haknu ehanittak aon hetteb. Danab ah ag Jerusalemnu mana mettak danab men doɗo mattaeg, ag ippunittak madatteb. Amu danab ag Jerusalemnu propet men doɗo mattaeg, ag propet nai ahilag maditteb. Ag nau amu oh hetteb, amge ag atteb. “Ig Yawe waappa daat, ehanittak aottem,” atteb. Ag anam anana, ag inam ele atteb. “Yawe Nug ig oonigppa iite daatte? Uug nau laa ihinigppa ii bema,” aon atteb.

Maika 3:5

Amu Yawe Nug inam atte. “Propet hambuppuak ag dahilad danab ah ib eheɗ ippunadtteb. Laa nug propet hambuppuak ee madette, ag nug maɗoɗ daakkunu atteb. Amge laa nug ee ii madakku dayeb amu, ag uug nau, mauhak keeke, danab amu, nuhigppa bekkunu atteb.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Matyu 10:33

Amge danab nug danab ah noolagppa da dimeɗatte amu, da ele danab amu Mama, Nug hab attan daatte, da Nug noobppa dimedakkul.

Matyu 24:11

Propet hambuppuak kuɗum ele ag ahan, danab ah kuɗum buppualadkkulag.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 24:5

Aɗinu? Danab kuɗum ag da onilppa uɗin, ‘Da am Kristus,’ anana, kuɗum laa buppualadkkulag.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Mak 13:22

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag ag hambuppualadkkulagnu hekkulag, amge elele iitta.

Luk 12:9

Amge danab nug danab ah noolagppa da dimeɗatte, am geha da ele Kayaknu engel noolagppa danab amu dimedakkul.

Luk 21:8

Ag anam aeg, Jesus Nug aum. “Laa ag hambuppualadmanu, ag dabmeig! Aɗinu? Danab kuɗum ag da onilppa uɗin, ‘Da am Kristus,’ ana, ‘Haen miag aakku doum,’ ele aon akkulag, amge ag ahan, ag aib dim lamadna goppig.

Luk 6:26

O gadonnab gadon ag danab ag gemu daaegeg, danab ah laa oh ag ag binalag metteb. Ag dabmeig! Aɗinu? Anukka ag alalkad ag anamib propet hambuppuak dilagppa heppig.

Rom 16:18

Danab amu ag ihinig Naɗi Kristus waappa daan nuhig uɗat ii hetteb. Iitta. Ag am beɗulagnu dabmak nau amuib dim lamidtteb. Amu oo eeɗaknu nai ittag ele, ag amuppa danab ag kobol atten am ena, kobol atten am nau ii dootteb ele amu, ag buppualadtteb.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

1 Korint 6:20

Aɗinu? Kayak Nug ag hipuninnu qagaiettakppanu eɗua uhuqadkkunu daden maattom amunu, ag Kayak binag mekkulagnu, ag beɗulkadppa ele Kayak binag meig!

1 Korint 7:23

Am Kayak Nug Jesus mauhom amuppa Nug ag daden maattakppa hipuninnu qagaiettakppanu eɗua uhuqattom amunu, ag laa aunnu begbeg maɗi nid daaglagnu aib heppig.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Galesia 4:17

Genab, danab laala ahilagppa uɗat hetteb amu, ag wagai mena eeɗadkkulagnu amelag qagatteb, amge nai ittag amuam kobol enappa ii gotte. Danab amu ag heppeg, ag Galesia danab ag ig ele ouqak ii daapput, ag Galesia ag eɗun danab amu binalag mekkulagnu hetteb.

Galesia 5:20

kayak hambuppuak binag mak kobol, onig awak kobol, laanu nau ninig ele doyak kobol, heqoppa qak kobol, laanu dahilppa anam daalon dabmak aɗa dayak kobol, oppoɗi be ameg kokoɗ eppak kobol, akka akka ahilagnuib dabmak awak kobol, nug qak kobol, huu obatak kobol,

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Duteronomi 32:6

O Israel danab ah, Yawe Nug ahilagnu ena heum. Ag anamppate eɗun noob mekkulagte? Ag am danab ah dabmak tutukku iittappa keeke henan oitteb. Ag doyak dabmak ena ele iitta. Yawe, Nug am ag Mamelag iittate? Nug ag iite hattom? Nug iite ag laippu tamaniattom?

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

Kolosi 2:8

Ag danab laa nug ag ulah nai, nai meu iitta ele amelagppa mattia hambuppualatteb, nug waappa daamnanu dabmeig! Danab kobol amu hetteb ele amu, ag mattiak ahilagppa alai aɗi dilag kobolnu, amu wan imuppan ɗo ɠagattag iitta ele, ag amunu maditteb. Kristusnu amu ag ii maditteb.

1 Timoti 5:8

Am danab laa, nug tiilag laippu daatteb ele amu, ag oolagppa nug nuhikkudnab anuqak dabmadatta, dimppa laa oh ele dabmadatta atognoadtte am ena, amge laa nug nuhikkudnab anam ii dabmadatta, ii atognoadtte amu, nuhig ooppa genab doyak am hambuppuak, nuhig eheɗ hak amu ooppa genab doyak iitta dilag eɗadtte.

2 Timoti 4:3

Aɗinu? Dimppa haen laa amu danab ag ippunittak nai genab ena ele uuglag. Ag akka ahilag dabmak dim lamidna, ippunittak danab hambuppuak kuɗum diiglag. Diippeg, ippunittak danab amu ag nai laala, danab ag dooglagnu oolag niitte ele, amu appeg dooglag.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

Taitus 3:10

Laa ele, danab laa nug tamaniak ena loppaɗtte ele, na tolittak uɗat laippu hewona, laa ele heppe amu anam bataɗ! Amu nug baula tippaleb amu, na nug geɗitte!

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

1 Jon 2:26

Da aun ag hambuppualadkkulagnu hetteb amu, ag ahilag hambuppuak amu miag atiak anidkkulagnu iikku yaattem.

1 Jon 4:1

O gamalad, propet hambuppuak kuɗum ag ihinigppanu qatin gona wan imuppa oitteb amunu, ag danab ag, “Da Kayak Ouɗi oɗe awen madittem,” atteb ele, ag amu oh dilag nai oolagppa genab aib dooppig. Iitta. Ag nai dootteb ele ag ouɗi aun laa nai maditteb ele ehanatte, ag nai maditteb, ag amu pehettan epeɗin, aun nug Kayak Ouɗippa nai maditte anidna, ahilag naiib ag oolagppa genab doyeg!

Jut 1:18

Am ag inam ag amelagppa appig. “Gog tak haenppa ihaklel qettak danab ag Kayak dimettan, ag Kayaknu, hak nuhignu ele uuak kobol dim lamidna beɗunu oo ahak kobol ahilag hekkulag,” aon appig.

Jut 1:4

Da nai inam yaattemnu diig am, ippunittak danab hambuppuak ag matu tamaniak ooppa lokkumna noppig daatteb. Danab amu, ag am Kayaknu nuhig haknu ele uuak danab amu, ag atteb. “Ig Kayak baegppan danab bewota, kobol eheɗ kuɗum hetata, ig Kayaknu ehanittak okkai hamu mettak, ig amuppa ig nuhig hettoɗiak deɗ eɗidkkunig,” aon atteb. Ag ele Jesus Kristus guhuɗidtteb; Nug am ihinig Naɗi, ihinig Gumak Danab Anuqak. Anukka danab laa nug Kayak naippa danab amubia dilagnu nai yom daatte, amubia ag am genabnab nob nau aoglag.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.

Revelesen 3:8

Da nahip hak amu, da doottem. Antte! Da na noomppa od matule mettami, laa nug maikkunu elele iitta. Na nahip ɠagattag nakok ele, amge na dahil nai dim lamidna, dahilnu, ‘Da Nug ii doottem,’ ii ame.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Revelesen 6:10

Anattitti, ag baalag okkaippa enana appig. “O Naɗi Nakka Ɠagattag Oh Ele, na am oppiaawak, kobol genabib dim lamidttem. Na haen ganeb danab wanppa daatteb, ag ig na ii uuittut, iqaeg mauhmut ele amu, na haen ganeb ag heppig amunu epeɗiadna, ig tiinignu nob ahilagppa eɗukkut?” aon appig.