2 Pita 1:8 - Nobonob Baibel

⁸ Aɗinu? Ag kobol amu hekkulagnu henana, baubau tuɗidna hekkulag dayeb amu, kobol amu ag heppeg, amu ag Kristen, ag Jesus Kristus, ihinig Naɗi, nuhig kobol doona, kobol ena ele dim lamidkkulagnu meu anidkkulag.

2 Pita 1:8 ပူးပေါင်းရင်းမြစ်များ

Prowerb 19:15

Danab bahilag iitta ele, ag niiak huana hetteb; danab ag uɗat laa ii hetteb, ag am enug daaglag.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 20:3

Aria, 9 kilok keeke nug eɗua ukka, danab laala ag ee oɗiak abenppa hamu hippaidna daaegeg anattom.

Matyu 20:6

Amu tueb, aam ameg tanig ele keeke, nug eɗua ukka, uɗat nid baula ele hippaidna daaegeg anattom. Anatta amu, nug aum. ‘Ag aɗi diignu deɗ laippu oh hamu daaeg uɗie, tueb meum?’ awa aum.

Matyu 25:26

Nug anam a amu danab okkai nuhig aum. ‘Na maɗi nid nau, na bahin iitta! Na da ii eppamippa, ee aeg ii tauɗmippa ele meu aottem genabte doome?

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 5:42

amge da ag tutukku doyadttem. Ag Kayaknu oolag ii mauhtte ⌊amunu, ag akka binalag aoglagnu dabmak okkai aotteb⌋.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

2 Korint 13:5

Ag akka akka ag ahilag ooppa genab doyak am genabte, ⌊amuam ag Kristusnu, nuhig Nai Enanu ele aakkuib oolagppa genab dootteb,⌋ o ahilag ooppa genab doyak am genab iittate italna epeɗieg! Ag akka, ag oolag ma anttak metteg! Ag Jesus Kristus, Nug ag oolagppa daatte iite dootteb? Yo, ag ma anttakppa elele hetteb dayeb amu, Nug ag oolagppa daatte. Iitta am iitta.

2 Korint 8:2

Ag uug okkaippa ma anttak aoppig; amu ag ele daɗek daatteb, amge ag maɗoɗppan gamag ahak okkai dootteb amunu, ag Kristen laa qagaiettakppa daatteb dilagnu dabmena, ehanadkkulagnu ag men doɗo huanak qagmeppig.

2 Korint 8:7

Amge keeke ohppa, amuam ahilag ooppa genab doyakppa, Kayak nai mehuqakppa, ahilag doyakppa, Kayaknu uɗat pehettaknab hakppa, amu ihinignu oo mauhak kobol ahilagppa ele, ag kobol eleleib hetteb, amubia gemu ag danab ehanittak uɗat ena imu ele enaib heig!

2 Korint 9:14

Am geha danab oh ag Kayak Nug ehanittak okkai, ag Korint ag hamu mattom anidna dooglag, amuppa geha ag ahilagnu oolag enanag doon, Kayak Nug ag itittak ena madakkunu unuqidkkulag.

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

Pilipai 2:5

Jesus Kristusnu dabmak bianab ahilagppa daakku am ena.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Kolosi 2:7

Ag nuhigppa ad wanppa ɠagattag hibaitta daatte bia ɠagattag dayeg! Ag nuhigppaib ɠagattag aweg! Ag Kayak amegppa, “Ena hen mekkame,” okkainab anana, laa ag ooppa genab doyaknu nai ippuanatteg, ag oolagppa genab dooppig, ag heppeg, ooppa genab doyak amu ɠagattag dayaɗ!

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

1 Tesalonaika 3:12

Laa ele, Naɗi Nug oo mauhak kobol ahilagppa ambaknab matteb, ag lailkad dilagnu, danab oh dilagppa ele, ig ahilagnu oo mauhak doottem bia ag oolag mauhkkunu oonig daye,

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

1 Timoti 5:13

Laa ele, ag uɗat ii hak kobol aona, lag lag tena nenana oitteb. Amu uɗat ii hak kobolib iitta, ag laa dilagnu dimug nai mattinna, ag laa dilag dabmak, maittak keeke baolikkulagnu henana, ag nai eheɗ ig akkunignu elele iitta ele maditteb.

Taitus 3:14

Aria ihinig danab, ag Kristen, ag uɗat hekkulagnu, ag amuppa bau dayaknu keeke aoglagnu dooglagoitte. Ag hamuib daaglagnu am aib.

Pilemon 1:6

Am da nahipnu unuqittette, da Kayak amegppa na ig ele oh, ig Jesusnu ooppa genab doyak dim lamidttem ele amu, ig itittak ena digdig oh, ig Kristusnu aottem amu, na amunu diig tutukku dookkutnu ele unuqidttem.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

2 Pita 1:2

Ag Kayak, amu Jesus Kristus, ihinig Naɗi, ahilahnu doyak ena aoppig amu, amuppa ahilah ehanittak okkai hamu mettak, amu ahilah maɗoɗ ele ahilagppa hanhan naɗi daaglahnu ool daatte.

2 Pita 1:3

Kayak Nug nuhig ɠagattag okkaippa, Nug keeke oh ig bau daat, genab tutukku hak danab daagnignu mekkom. Nug nuhig ena hak kobol, nuhig binag amahlak oppiaawak ele dabmaama, ig oninigppa e, ig Nug doottem, amu doyak amuppa Nug keeke amu oh ig mekkom.

2 Pita 2:20

Amu danab ag ihinig Naɗi Jesus Kristus, Nug Padal ii maknu ehanittak ihinig ele daatte amu, ag Nug doon, amuppa ag wanppan kobol nau uutteb, amge ag eɗun kobol nau amunu baula hekkulagnu watteb dayeb amu, danab amu ag aakku qagaiettak tatam nakok bia aoglagnu daappig, amge gemu amu ag qagaiettak naɗinab aoglagnu daatteb.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.