2 Pita 1:7 - Nobonob Baibel

⁷ Amu ag lailkad ele layam ena daaglagnu kobol aona, ag genab tutukku hak kobol ele ouaqateg! Amu ag oo mauhak kobol aona, lailkad ele layam ena dayak kobol ele ouaqateg!

2 Pita 1:7 ပူးပေါင်းရင်းမြစ်များ

Rom 12:10

Amu ag lailkad ena daaglagnu oolag mattan, ahilagnu oolag mauhaɗ! Ag oh nug binag mettak elelenab heig!

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Kolosi 3:14

Oo mauhak kobol nug kobol ena laa oh laippunab tamanidtte amunu, ag ele laa dilagnu oolag mauhaɗ!

1 Tesalonaika 3:12

Laa ele, Naɗi Nug oo mauhak kobol ahilagppa ambaknab matteb, ag lailkad dilagnu, danab oh dilagppa ele, ig ahilagnu oo mauhak doottem bia ag oolag mauhkkunu oonig daye,

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

1 Pita 2:17

Amu ag danab oh dilagnu, kobol eleleppa ena elele doyeg! Ag lailkad Naɗinu oolagppa genab dootteb ele, amu dilagnu oolag mauhaɗ! Ag Kayaknu ebehilkad oh bodoetta le maɗ! Ag king binag meig!

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

1 Jon 3:14

Ig lainkad dilag oonig mauhtte amunu, ig amuppa doottem, ig mauhak kobol uuta, ig bauklelppa daattem. Am laa nug layagnu oo ii mauhtte amu, nug mauhakppa daatte.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

1 Jon 4:21

Amu Kayak Nug ɗo iikku ig mekkom. Laa nug Kayaknu oo mauhak dootte amu, nug layagnu ele oo mauhak doyaɗ!