2 Pita 1:12 - Nobonob Baibel

¹² Ag keeke amu oh dootteb, doyak diig genabib ele aoppig amu, ag amuppa ɠagattag hippaidna daatteb, amge da amu ohnu hanhan dabmak ahilag maɗedakkulnu hettem.

2 Pita 1:12 ပူးပေါင်းရင်းမြစ်များ

1 Jon 2:21

Ag doyak diig genabib ii dooppig amunute da imu yaattem? Iitta! Ag doyak diig genabib amu dootteb amunu, da ahilagnu yaattem. Amu ag ele dootteb, nai hambuppuak laa doyak diig genabibppa ii daatte.

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Kolosi 2:7

Ag nuhigppa ad wanppa ɠagattag hibaitta daatte bia ɠagattag dayeg! Ag nuhigppaib ɠagattag aweg! Ag Kayak amegppa, “Ena hen mekkame,” okkainab anana, laa ag ooppa genab doyaknu nai ippuanatteg, ag oolagppa genab dooppig, ag heppeg, ooppa genab doyak amu ɠagattag dayaɗ!

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.

2 Pita 1:13

Da amu hekkulnu am kobol tutukku doottem. Anam amunu, da bau daattem haen imuppa, da keeke amunu baubau ag amelagppa, dabmak ahilag maɗedakkulnu amu madikkul.

Jut 1:17

Amge O lailad, ihinig Naɗi Jesus Kristusnu totol danab ag anukka Kayak oɗe aona, butti aɗi, aɗi bekkunu daatte amunu nai mehuqppig amu daulagppa doaɗ!

Jut 1:3

O lailad, da tatam Kayak Nug uɗat naɗi ig eɗua awigkkunu heum ele, da amunu yaakkulnu dabmein aute aomi. Amge gemu amu, da nai imu yaakkulnu duttunak doyeye, da uɗug imuppa ag Kristennu ooppa genab doyak kaboliak daamanu ag wagai mekkulagnu, da ahilag dabmak maɗedakkulnu nai imu yaattem. Kayak Nug haen laippu ooppa genab doyak amu nuhikkud danab ah oppiaawak ele matta malom, baula ii mattama; auntai baolikkunu ele elele iitta.

2 Pita 3:17

Amunu O lailad, ag keeke amunu dooppig daatteb amunu, ag akka guppiɗ ahilkad ag eppelagppa aɗan, nai tappaeg nak danab ag ag eeɗadppeg, ag ahilag ib eheɗppa gona, ag Kristus eppegppanu, ag aguppa enanag daatteb amu, ag appanu nena qemananu, ɠagattag dayeg!

2 Pita 3:1

O lailad, imuam ad uɗug aɗit batak ahilagnu yaami. Uɗug aɗit ohppa nai yaami amu, ag tatam dooppig, amge da ag dabmak ahilagppa keeke amu oh genabnab dooglagnu, da dabmak maɗattak nai aakku yaami.

2 Pita 1:15

Amunu da ag ib ena ippunadkkulnu wagai mein daakkul. Aria, da anam hein, da mauhe goppi, dimppa amu ag nai imu hanhan dabmekkulagnu elele daaglag.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Hibru 10:32

Aria, ag haen Kristus aoppig daanna, dimppa uug okkai laala ahilagppa beebe dooppig ele, haen amu amelagppa doaɗ! Haen amu ag uug kuɗum maoeg, laa ag guittak okkai ele madappig, amge ag ɠagattag hippaidna daanna maoppig.

2 Timoti 1:6

Amunu amu, da na dautppa dokkunu imu attem. Haen da eppel na qaɗenppa memi, haen amuppa Kayak Ouɗi Nug nuhig ɗo hamu mettak laa mettom daatte amu, na haen oh ɗo hamu mettak amu maɗettan, uɗat mette!

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

Aposel 16:5

Ag anam heppig amunu, Kristen tamaniak ag nai doyegeg, Jesusnu ooppa genab doyak ahilag am okkai meeme, deɗ oh Kristen dilag ebqak amu tuɗitteg okkai meum.

Kolosi 1:5

Ag tatam nai doyak diig genabibppanu, amuam Jesusnu Nai Ena, ag amu doon, keeke Kayak Nug hab attan ahilagnu tituanom amu, ag amu aoglagnu ele doona, gemu ag aoglagnu dabmak aɗan oitteb amunu, ag ooppa genab doyak ahilag, oo mauhak ahilag ele aɗan daatteb.