2 Korint 9:8 - Nobonob Baibel

⁸ Amu ag haen oh bau daaglagnu keeke ohppa eleleib daanna, ag keeke kuɗumppa uɗat ena oh hekkulagnu, Kayak Nug heeb, ehanittak okkai hamu mettak oh ag tuɗitta tonadkkunu elele.

2 Korint 9:8 ပူးပေါင်းရင်းမြစ်များ

2 Stori 25:9

Kayaknu danab amu nug anam a, Amasaia nug oɗ mettom. “Anam, amge da Israel dilag daup imu ag uɗin, da ehaniɗkkulagnu Israel dilag king silwa 3,400 kilogram metten malami. Silwa amuam hamu qettoɗmanu am da attem hekkul,” awa od mettom. Nug anam oɗ mette, Kayaknu danab amu nug nob ma aum. “Yawe Nug amu eɗittaknab eɗua medakkunu elele,” awa aum.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Prowerb 11:24

Danab laa amu, nug laa ehanatta, nug nuhig keeke hamu madatte, me ⌊Kayak Nug danab amu ititte,⌋ nug keeke kuɗum baula ele nuhignu aotte; amge danab laa amu, nug laa ehanattaknu kobol daatte bia ii madatte, nug nuhig keeke aɗatte, me nug eɗua, daɗeknab daatte.

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Prowerb 3:9

Am na en nahip-ppanu laih aon, Yawe binag medakkutnu Nug mette! Ao, ee nahip tatam oɗueb amu, na ee meu tatamnu amu aona, Yawe eppegppa me!

Hagai 2:8

Yawe Nukka Ɠagattag Oh Ele Nug atte. “Silwa oh am dahil, gol oh ele am dahil.

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

2 Korint 13:3

Da anam heppi, ag genab tutukku dooglag. Kristus Nug da oɗelppa nai maditte. Doyeg! Kristus Nug ahilagnu ha, Nug uɗat nuhig ii bodoedatte. Iitta! Nug ahilagppa uɗat ɠagattag hette.

2 Korint 8:19

Amuib iitta. Kristen tamaniak danab ag nug ig ele oh oitta, ehanittak uɗat imu oh hekkunignu otippig. Ig uɗat imu oh hetata amu, ig Naɗi onig humagnignu, ig uɗat imu hekkunignu oo geɗak doottem amu ele danab ippunadkkunignu hettem.

2 Korint 8:2

Ag uug okkaippa ma anttak aoppig; amu ag ele daɗek daatteb, amge ag maɗoɗppan gamag ahak okkai dootteb amunu, ag Kristen laa qagaiettakppa daatteb dilagnu dabmena, ehanadkkulagnu ag men doɗo huanak qagmeppig.

2 Korint 8:7

Amge keeke ohppa, amuam ahilag ooppa genab doyakppa, Kayak nai mehuqakppa, ahilag doyakppa, Kayaknu uɗat pehettaknab hakppa, amu ihinignu oo mauhak kobol ahilagppa ele, ag kobol eleleib hetteb, amubia gemu ag danab ehanittak uɗat ena imu ele enaib heig!

2 Korint 9:11

Ag geha keeke kuɗumnab ele daanna, ag keeke kuɗum hanhan lainkad ⌊bau daaglagnu keekenu tutumak ele⌋ mattaglagnu elele. Amu ahilag ehanittak keeke laa aoglag amu, ag amunu geha Kayak amegppa, “Ena heme,” aon akkulag.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Epesus 3:20

Kayak, Nug nuhig ɠagattag ig oonigppa uɗat hette ele, Nug amuppa keeke okkai okkai, ig amunu dabmekkunignu, o Nug oɗ mettagnignu elele iitta. Ao, Nug amu eɗittak okkainab hekkunu elele; amu binag amahlak oppiaawak ele nuhigppa dayaɗ!

Pilipai 4:11

Da madittem imu amu, da keekenu tutu mein ii madittem. Iitta. Da am doyak inam aomi. Kobol iɗu iɗu dahilppa bette am keeke hamu, da ool keeke amu ohnu eleleib dootte.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

2 Tesalonaika 2:17

ag oolag ɠagattag qak dayebeb, ag oiyak ahilag ohppa enaib oiglagnu ɠagattag aoglagnu oonig daatte.

2 Timoti 2:21

Amunu amubia danab laippu laa nug kobol nau oh amu lamitte ukke, nug oppiaawak daatte dayeb amu, nug am tappiɗ, nuhignu enanag dootteb, amubia nug Kayak amegppa enanag daakku; nuhig uɗat hekkunu elele. Nug aɗi uɗat ena oh hekkunu babaittak daakku.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Taitus 3:14

Aria ihinig danab, ag Kristen, ag uɗat hekkulagnu, ag amuppa bau dayaknu keeke aoglagnu dooglagoitte. Ag hamuib daaglagnu am aib.

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!