2 Korint 9:6 - Nobonob Baibel

⁶ Amge ag imu tutukku anidna doyeg! Danab nug ee tumu kuɗum ii ebatte, nug ee kuɗum ii aotte. Aria danab nug kuɗum ebatte, nug kuɗum aotte.

2 Korint 9:6 ပူးပေါင်းရင်းမြစ်များ

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Prowerb 22:9

Laa nug laa keeke mettaknu oo qak iitta danab, nug itittak ena aokku; amunu diig am, nug daɗek ee madatte.

Eklisiastis 11:1

Na nug ehanittak henan daye! Aɗinu? Na anam heppe, butti, haen adekku amu, na ehanittak eɗun aokkut.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

1 Korint 7:29

Amunu O lailad da nai imu attem. Haen tutu meum amunu, haen gamag imuppa amu ag inam dooglagnu attem. Danab ag ah diippig ele, ag am ahilag dabmakppa, “Ig ah ele, amge ig ah iitta bia daagnig,” dabmenan daaglag am ena.

2 Korint 9:10

Kayak, Nug ee eppaknu danab ee tumu madatte, Nug ee digdig danab oh lakkulagnu ele madatte amu, Nug geha ag keeke oh elele matteb, ag laa madappeg, aria ag Korint ag geha genab tutukku hak kobol ahilag amu nug tuɗid okkai maama, ag laa daɗek daatteb keeke kuɗum mattaglagnu elele daaglag.

2 Korint 9:5

Amunu da lailad amelagppa appi, ag anuqna ag gumadna gokkulagnu am ena, da anam dabmemi. Ag gona heppeg, ehanittak keeke ag amu bappaidkkulagnu appig amu, da ii ukkak haenppa bappaidkkulag. Ag Korint ag anam bappaidkkulag dayeb, mettaknu am oo gamag ahak ele; am oo nauhak laa iitta.

Galesia 3:17

Nai dahil imu, nuhig diig amu inam. Kayak Nug tatam nug tituana nai qakkakppa Abraham amegppa keeke laa heeb bekkunu nai qakka aum. Dimppa maɗ 430 ukke amu, aria ɗo beum. Ɗo amu dim beum. Ɗo amuam Kayaknu nug tituana nai qakkak amu qeeb nekkunu elele iitta. Nai qakka aum ele amu, ɗo nug amu loppaɗkkunu ele elele iitta.

Galesia 5:16

Da inam attem. Kayak Ouɗi Nug oiyak ahilag gumebeb, ag Nug dim lamidna oiyeg! Ag anam hena amu, ag beɗunu kobol ii dim lamidmana.

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

Kolosi 2:4

Amu da danab laa nug nuhig nai ittag ele amge meu iittappa ag eeɗadmanu dabmein, da ag amelagppa nai amu madittem.

Hibru 6:10

Kayak Nug epeɗiak eheɗ laa ii hette amunu, ag uɗat nuhig heppig, ag nuhignu oolag mauhtte dabmenana, nuhikkud danab ah oppiaawak ele ehanattegeg uɗie gemu ele anam hetteb amu, Nug amu oh daug ii atima.