2 Korint 9:1 - Nobonob Baibel

¹ Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

2 Korint 9:1 ပူးပေါင်းရင်းမြစ်များ

Genesis 27:42

Nug anam a, laa mattie, Rebeka nug doya, nug bekka gehanu Jakop onigppa e uɗie, amegppa aum. “O nan, na awan Esau nug na nitteb mauhppe, nug oo ena daakkunu dabmak awom daatte

2 King 22:18

Anam amunu, ag Juda dilag king, nug ag Yawe nai dooglagnu maatte uɗippig ele, ag nug amegppa inam appeg doyaɗ! Yawe, Israel dilag Kayak, Nug nai na doome, Nug nai amunu inam atte.

Job 37:23

Laa Nukka Ɠagattag Oh Ele Nug ig eɗikka auta autanab aotte. Nug nuhig ɠagattag am okkainab ele. Nug nai doya mala hettoɗia epeɗia elele mettak kobol ele hanhan dim lamidtte. Nug aɗi hette ele amu, Nug genab tutukku hak kobolppaib hette amunu, Nug danab laa diig iittappa bu ii medatte.

Sam 45:1

Da dabmak enanagnab awewe, da ool huananab gamag ahatte! Ao, da kingnu nai ena ena madikkul. Ge, da lemaɗul am danab laanu pen, nai ena ena yaaladtte, amubia daatte. Da yaakkulnu iitta, amge da oɗelppa madikkul.

Matyu 22:31

Amge eɗua hibaittak amunu amu ag Kayak naippa, nai laa Kayak Nug ag dooglagnu Moses amegppa mattie, nug yom amu, ag iite ebqeppig. Nai amuam inam.

Aposel 24:17

Amu da anam hein, maɗ laala da ukken, aab laalappa dayeye oiyeye, amu dimppa amu da eɗuen, da men doɗo Judanu daɗek madakkulnu amu doɗ manen Kayak medakkulnu Jerusalem temi.

Rom 11:28

Israel ag Jesusnu Nai Ena doon uuna, ag Kayaknu kekeɗ daatteb, amu ag iitta aɗi ag amuppa ehanittak aotteb, amge Kayak Nug anukka Israel ag tituanattom amu, Nug ag alalkad dilag dabmaama, Nug ag Israel, ahilagnu Nug oo mauhak ele dootte.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Rom 15:31

Amu ag Kayak da ehaniɗa, Juda laala ag oolagppa genab ii dootteb ele, Nug da ag eppelagppanu eɗua awiɗkkunu unuqitteg! Ag Kayak Nug heeb, nuhikkud danab ah oppiaawak ele Jerusalem daatteb ele, da uɗat ag ehanadkkunu hekkulnu hettem imu amu, ag amunu oolag hekkunu unuqitteg!

Galesia 2:10

Ig anam atata, ag i daɗek danab dilag tuɗidɗa dabmekkunihnu aakkuib appig. Keeke amunu amu, da ool huana hette, da amu hekkulnu da uɗat ɠagattag heinne daattem.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

1 Tesalonaika 5:1

O ig lainkad, keeke amu oh bekkunu haen, deɗ ele amu ig amunu yaagnignu laa iitta.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!

1 Samuel 20:23

Am nug tituanak i haen aɗit hemuɗ amu, Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku.” Jonatan nug anam aum.