2 Korint 8:7 - Nobonob Baibel

⁷ Amge keeke ohppa, amuam ahilag ooppa genab doyakppa, Kayak nai mehuqakppa, ahilag doyakppa, Kayaknu uɗat pehettaknab hakppa, amu ihinignu oo mauhak kobol ahilagppa ele, ag kobol eleleib hetteb, amubia gemu ag danab ehanittak uɗat ena imu ele enaib heig!

2 Korint 8:7 ပူးပေါင်းရင်းမြစ်များ

Matyu 25:22

Aria, danab nug talent aɗit awom nug ele doa aum. ‘Naɗi, na talent aɗit meɗame amu, da uɗat heinne, talent aɗit baula aomi,’ awa aum.

Rom 15:14

O lailad, da dakka da ag haen oh kobol ena hetteb, ag dabmak ena okkainab aoppig, amu ag akka akka nug ippunittak hekkulagnu, da amu ohnu oolppa genab doottem.

1 Korint 1:5

⌊Amu da Kayak amegppa imunu ele, “Ena heme,” awe attem.⌋ Kristusnu nai ag dooppig ele ahilagppa ɠagattag eppe, Kayak Nug Kristus Jesus, nuhigppa he, ag Kayaknu ɗo maɗoɗppa uɗat oh hekkulagnu elelenab daatteb; amuam ahilag nai mattiakppa, ahilag doyakppa ele.

1 Korint 12:13

Kayak Ouɗi Nug he, ig oh beɗu laippu bia daattem. Laala am Juda danab, laala am iitta aɗi danab. Laala am begbeg maɗi nid, laala am begbeg maɗi nid iitta. Yo, ig oh Kayak Ouɗi Nugib aomut.

1 Korint 12:8

Kayak Ouɗi Nug danab laa dabmak ena laa ippunadkkunu ehah medatta, Kayak Ouɗi laippu amu, Nugib danab laa nug Kayaknu nai mehuqeb, danab ah tutukku dooglagnu ehah medatte.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

1 Korint 13:8

Am oo mauhak kobol amuam geha iitta ii mema. Iitta. Nug hanhan daakku! Propet nai mehuqak uɗat amu geha iitta mekku; nailag digdig mattiaknu uɗat am ele geha iitta mekku. Amu ⌊wanppanu⌋ doyak danab ag aoppig, amu ele iitta mekku.

1 Korint 14:12

Amu ag ele anamib. Ag ele Kayak Ouɗinu ɗo hamu mettak aoglagnu oolag huana daatte amunu, Kayak Ouɗi Nug ag Kristen tamaniak ɠagattag madakkunu ɗo hamu mettak amu ag anen anen madatte amu, ag ɗo hamu mettak amu elelenab hekkulagnu wagai meig!

1 Korint 4:7

Aun na danab okkai meittom? Keeke aɗi laa na Kayak nuhigppanu ii aome? Kayak Nug na keeke oh mettom amunu, aɗinu na binan mena, keeke amu diig daattem bia doottem?

2 Korint 7:7

Am Taitus uɗiom amuppaib ig oonigppa oo mak ii doomut. Iitta. Ag Taitus oo mak mettaeg, nug nai amu awa uɗia, ig amenigppa mattie, ig oonigppa oo mak doomut. Am laa amu, Taitus nug ig amenigppa ag da aniɗkkulagnu oolag huan daattenu, kobol naunu ag oolagppa eheɗ doyona gaattebnu, ag dahilnu dabmak huan aottebnu aum amunu, da maɗoɗppan gamag ahak huana doomi.

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

2 Korint 9:14

Am geha danab oh ag Kayak Nug ehanittak okkai, ag Korint ag hamu mattom anidna dooglag, amuppa geha ag ahilagnu oolag enanag doon, Kayak Nug ag itittak ena madakkunu unuqidkkulag.

2 Korint 9:8

Amu ag haen oh bau daaglagnu keeke ohppa eleleib daanna, ag keeke kuɗumppa uɗat ena oh hekkulagnu, Kayak Nug heeb, ehanittak okkai hamu mettak oh ag tuɗitta tonadkkunu elele.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Pilipai 1:9

Amu da ahilag oo mauhak kobol am okkai meebeb, amu ahilag doyak, ahilag diignu doyak tutukku ele aa ele okkai mepeɗ daaglagnu Kayak unuqidttem.

2 Tesalonaika 1:3

O lainkad, ig haen oh Kayak amegppa, “Ena heme,” aot akkunignab. Aɗinu? Ahilag ooppa genab doyak am okkainab mette, amu ag akka akka ag nug oo mauhak doona, tuɗidna huanak hetteb.

2 Timoti 2:1

O da bekkal, na Kristus Jesusnu ehanittak okkai hamu mettak, na amuppa ɠagattag daye!

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

1 Pita 1:22

Ag gemu ag doyak diig genabib dim lamidtteb, amuppa ag danab oolag ihan oppiak daatteb amunu, ag oo mauhak kobol genabppa ag lailkad dilagnu oolag mauhtte. Ag anam daatteb, amge ag tuɗidna, ag lailkad dilagnu oolkad unuqagppanu oo mauhaknab doyeg!

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Revelesen 3:17

Na nai inam madittem. ‘Da enul ele. Da keeke kuɗum ele daattem. Da keeke laanu tutu mak iitta.’ Amge iitta. Na uug naunabppa daattem; na danab ag nahipnu oolag dookkunu elelenab daattem; na daɗek daattem; na amen gaɗuak daattem; amu na bam iitta ele daattem. Na nakka na anam daattem, amge na amu ii doottem,