2 Korint 8:3 - Nobonob Baibel

³ Da amu antten doomi amunu, iikku da amu awe miag mettem. Ag men doɗo nakokib, amge ag mekkulagnu elele daappig aakkuib ii meppig. Iitta. Ag amuam tuɗittak, laa ele, amu eɗittak okkainab meppig. Ag akka ag amu hekkulagnu dabmena heppig.

2 Korint 8:3 ပူးပေါင်းရင်းမြစ်များ

1 Stori 29:9

Okkai danab ag oo qak iitta ele, ag meulag ohppa ele Yawe keeke amu medappig amunu, danab ah ag ahilkad okkai ag oo qak iitta ele keeke Yawe medappig anidna, ag oolag gamag ahom. King Dawit nug ele oo gamag huanak ahom.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Eksodas 35:29

Am Israel danab ah, ag oolag heum ele amu, ag keeke amu oh ɗo hamu mettaknu ofa hena, aon uɗin, Yawe medappig. Yawe Nug Moses oɗeppa ag uɗat digdig hekkulagnu ag amelagppa aum amunu, ag uɗat amunu keeke amu oh aon uɗippig.

Eksodas 35:5

Ag keeke aɗatteb oolagppanu amu, ag aun aɗi ag ofa laa gemu Yawe mettaglagnu oolag daatte, ag danab ah amu ag amu aon metteg! Keeke ag Nug mettaglagnu daatteb am inam: gol, silwa, bras,

Mak 14:8

Ah imu nug dahilppa kobol ena hekkunu elele antta, nug heum. Nug da beɗulppa leppu muttuɗig enanag imu gokkaɗom amu, nug da ii mauhmi haenppa, da mauhe moɗppa niikkulnu beɗul babaittom.

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Rom 10:2

Da Juda ahilagnu doye aute aottem amunu, da miag atiak iikku attem. Ag am Kayaknu kobol dim lamidkkulagnu ag yag-nab-bak dootteb, amge ag doyak ena iitta ele amu hetteb.

1 Korint 16:2

Mettid ohppa ag oh anen anen Mettid deɗppa ag men doɗo mettid ukkomppa aoppig amu dabmettanna, ag laih otin laulagppa meppeg dayebeb, geha dimppa da gumatte goppi, ag men doɗo mattaglagnu mattiaknute henana, hik ii aqama.

1 Korint 9:17

Am da dakka dahil dabmakppanu ahe, uɗat imu heinnelob amu, da uɗatnu nob aolom. Amge da uɗat imu hettem ele, da dakka ain ii hettem. Iitta. Kayak Nug uɗat imu hekkulnu meɗom amunu,

Galesia 4:15

Oo maɗoɗppan gamag ahak ahilagppa dayom, amuam gemu adep meppig? Da genab ag amelagppa kobol ahilag ena amunu attem. Haen amuppa ag amelag kehaknu elelelob amu, aria ag kehan da amelppa melob.

Pilipai 2:13

Aɗinu? Kayak Nug hanhan, ag Nug oo niitte bia, nuhig uɗatnu dabmaknab aon, amu hekkulagnu oolagppa uɗat hette.

Kolosi 4:13

Nug ag Kolosi daatteb, amu Laodisia danab ah, amu Hierapolis daatteb ele, ahilagnu unuqittakppa ehanattak uɗat okkainab hette amu, da amu doyeye madikkulnu elele.

1 Tesalonaika 2:8

Ig ahilagnu oonig huana mauhom amunu, ig Kayak toppanu Nai Ena apput dooglagnu oonig dayeye heta, ig ag ena daaglagnu mauhlom amunu ele elele doomut. Aɗinu? Ig ahilagnu am ig lainkadnab doomut.

Pilemon 1:14

Amge na aɗi ehanittak hekkut amu, na oot niitte amu hekkut, na duttunak doon hekkutnu iitta, kobol anam daakkunu amu, da na keeke laanu, “Yo,” ii ame amu, da amu hekkulnu ool ii dayom.

1 Pita 4:11

Ao, danab ag ahilag uɗat oh anidna, Jesus Kristus onigppa ag Kayak binag mekkulagnu amu, danab laa nug Kayak nai mehuqtte ele dayeb, nug Kayak nai tutukku mehuqaɗ! Amu danab laa nug layag ehanidtte ele dayeb, nug ɠagattag Kayak medatte ele amuppa uɗat haɗ! Binag amahlak oppiaawak ele, ɠagattag oh ele hanhan alet ele Jesus Kristus, nuhigppa dayaɗ! Genab.

1 Pita 5:2

Ag Kayaknu danab sipsip bia ag eppelagppa daatteb atognoadna autna aweg! Ag ɗo duttunakppa bia daanna, ahilag uɗat aib heppig. Iitta. Ag Kayak oo niitte amubia ena doonna hekkulag. Ag men doɗo aoglagnu aib dabmenana heppig, ag oolag ahebeb hekkulag.