2 Korint 8:23 - Nobonob Baibel

²³ Taitus nuhignu amu, ag inam anidkkulag. Nug am dahil kadoi, ag ehanadkkunu dahil uɗat laippu. Aria ig lainti aɗit amu, aa am Kristen tamaniak oh dilag maɗi nid, ahilah uɗatppa aa Kristus binag mettep.

2 Korint 8:23 ပူးပေါင်းရင်းမြစ်များ

Luk 5:10

Sebedi bekoɗ aɗit, Jems, Jon ele, aa Saimon ele layam batan uɗat laippu heppig ele amu, aa ele ottaiya, dabmak kuɗum aopiɗ, Jesus Nug Saimon amegppa aum. “Na aib baɗame, geha dimppa ele uɗat laappa na danab ah anam bia diiadkkut,” awa aum.

Luk 5:7

Anam anidna, ag ahilkad uɗat laippu, uub laappa daappig amu, ag dona ehanadkkulagnu eppelagppaib onilagppa eppig. Eeg doeg, uub aɗit ohppa kakai amu inappig. Inaeg, uub aɗit amu oh tuadiglahnu hepiɗ.

Jon 13:16

Da genabnab genab ag amelagppa attem. Maɗi nid nug okkai nuhig ii eɗidtte. Nai awa ukkak danab nug danab nug me gotte ele, nug nug ii eɗidtte.

1 Korint 11:7

Aria, danab nug ikki aib hautom. Aɗinu? Kayak Nug danab Nug bia heum daatte, amu lettod amahlak awa he, amimia gotte, amubia danab nug Kayak binag amahlak oppiaawak awa he, laa anidtteb. Aria, lettod amahlak awa he, amia gotte amu, ah nug gamu binag amahalak oppiaawak ele awa, anam hette amunu, ah ag ikkilag hauteg!

2 Korint 12:18

Da Taitus amu ig lainig imu ele aa oh maate, aa oh ahilagppa gokkulahnu amelahppa ami, am Taitus nug hambuppua, ahilag keeke laa aɗomte? Am nug da ele i Kayak Ouɗi laippu amu Nuhig ɠagattagppa i iite oittep? I ib laippuppaib iite oittep?

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

2 Korint 8:16

Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

2 Korint 8:18

Aria ig lainig laa meut, nug ele oh gottep. Am Kristen tamaniak ohppa lainig amu nug Nai Ena mehuqkkunu am nug ɠagattag ele amunu, tamaniak oh ag nug binag metteb.

2 Korint 8:19

Amuib iitta. Kristen tamaniak danab ag nug ig ele oh oitta, ehanittak uɗat imu oh hekkunignu otippig. Ig uɗat imu oh hetata amu, ig Naɗi onig humagnignu, ig uɗat imu hekkunignu oo geɗak doottem amu ele danab ippunadkkunignu hettem.

2 Korint 8:22

Aria, ig am ig lainig laa ele meut, nug aa ele oh gotteb. Ig haen kuɗum uɗat digdigppa ig nuhig hak meta anidmut, am nug uɗat amu hekkunu nug elele ɠagattag heum. Gemu nug ag Korint daatteb amu, ag aɗi hekkulagnu appig amu ag hekkulagnunab daatteb dootte amunu, nug am uɗat amu hekkunu elelenab dootte.

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

Pilipai 2:25

Amu da Epaproditus, nug am da layalnab, i uɗat ihinih laippu, nug da ele Kayaknu daup danab bia daattep, nug ag Pilipai daatteb, ahilag nai awa ukkak danab, ag nug meeg, da ehaniɗkkunu uɗiom daatte amu, da nug ahilagppa meppi gokkunu ɠagattag dabmettem.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

Kolosi 1:7

Epapras, i lainihnab, nug am Kristusnu maɗi nid ena, ihinih uɗat laippu, nug i ehanita, Kristusnu uɗat hekkunu oo metta ii uuak kobolppa hette ele amu, nug ag Jesusnu Nai Ena ippuanatte, ag dooppig.

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

Pilemon 1:17

Amunu Kristusnu oo mauhakppa na dahilnu layam enanag dooiɗttem dayeb amu, aria na da ele laippu dayaknu ootppa eleleib dookkut bia, na Onesimus amubia na ele laippu dayaknu ootppa eleleib doye!

Pilemon 1:24

Dahilad uɗat laippu Mak, Aristarkus, Demas amu Luk ele ag na humidtteb.

3 Jon 1:8

Amunu ig danab amu ehanadkkunig am ena. Kobol amuppa ig ag ele doyak diig genabibnu uɗat laippu hekkunig.