2 Korint 8:16 - Nobonob Baibel

¹⁶ Aria, da am Kayak amegppa, “Ena heme,” attem. Aɗinu? Nug Taitus ehanitte, nuhig dabmak, dahil bia, laippu awa, nug ele ag ehanadkkunu oo huan daatte.

2 Korint 8:16 ပူးပေါင်းရင်းမြစ်များ

2 Stori 31:8

Israel danab ag keeke aon uɗin meeg, qagmak naɗinab daappig amu, haen Hesekaia, nuhikkud ehanittak anuqak danab ele ag uɗin, amu anidna, ag Yawe binag mena, ag Israel danab ah, ag Yawenu danab ah amu, ag ag itittak ena madappig.

Esra 7:27

Yawe, ig mamenkad aɗi dilag Kayak, Nug he, king nug Yawe laug Jerusalem appa daatte, nug lag amu binag mekkunu anam dabmeum amunu, ig Kayak binag metu.

Nehemaia 2:12

da danab laib laib laa ele ig tuqan ahat, ⌊aabnu aɗ nauhak dayeye anidkkunignu⌋ gomut. Da laa amegppa Kayak he, Jerusalemnu aɗ bappaidkkulnu dabmettem amu, da laa amelagppa amunu deɗ laa nakok laa ii mattimi. Iitta. Dabmak amuam da oolppaib dooiyi dayom. Am ig tuqan amuppa gomut ele amu, ag da ele laippu gomut; ag baelagppa oiyegeg, da dakka donki attan oimi. Ig hos o donki laala akkat ii gomut.

Jeremaia 31:31

Yawe Nug atte. “Haen laa uɗitte, haen amu uɗieb, haen amuppa da heppi, Israel danab ah, am Juda danab ah ele, da ag ele ig nug tituana nai qakkak bau hekkunig.

Jeremaia 32:40

Da heppi, da ag ele ig nug tituana nai qakkak hekkunig amu, nai qakkak amuam hanhan alet daakku. Nai amuppa da hanhan enaib hadakkul; da kobol amu ii tuqe aopa. Ag da dimeɗan, kayak laa dim lamidmananu da heppi, ag dahilnu ebehilag oh bodoetta le mekku.

2 Korint 7:12

Amunu am genab, anukka da kobol laa amunu uɗugppa ahilagnu yaami, amge da danab nug eheɗ heum amu danab laa, laa nug nuhigppa eheɗ heum ele, amu dilah dabmein ii yaami. Iitta. Da ag Kayak noobppa ag genab ag oolag ig megatteb amu dooglagnu da ad uɗug amu yaami.

2 Korint 7:7

Am Taitus uɗiom amuppaib ig oonigppa oo mak ii doomut. Iitta. Ag Taitus oo mak mettaeg, nug nai amu awa uɗia, ig amenigppa mattie, ig oonigppa oo mak doomut. Am laa amu, Taitus nug ig amenigppa ag da aniɗkkulagnu oolag huan daattenu, kobol naunu ag oolagppa eheɗ doyona gaattebnu, ag dahilnu dabmak huan aottebnu aum amunu, da maɗoɗppan gamag ahak huana doomi.

2 Korint 8:23

Taitus nuhignu amu, ag inam anidkkulag. Nug am dahil kadoi, ag ehanadkkunu dahil uɗat laippu. Aria ig lainti aɗit amu, aa am Kristen tamaniak oh dilag maɗi nid, ahilah uɗatppa aa Kristus binag mettep.

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

Pilipai 2:20

Da danab laa Timoti bia iitta; Nug nukka aakkuib ag ena daaglagnu dabmak genab aotte.

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Revelesen 17:17

Ag oolag laippu mena, gumaknu ehah, ag amuppa king daatteb ele amu, ag oh gumaknu ehah amu doɗ dakkuɗ mettaglag. Ib amuppa ag Kayak nug dabmak amu ag oolagppa meum, ag Nug keeke anam bekkunu maittak awom am genab heppeg meu okku. Ag anam heppeg ukkeb, Kayak dabma mattiom amu, nai amu oh meu okku.