2 Korint 8:12 - Nobonob Baibel

¹² Danab nug layag ehanitta, keeke medatte, nug ele kobol amunu oo huan daatte dayeb, Kayak kobol amunu elele ena dootte. Kayak Nug danab nug nuhig keeke aɗi aɗi ele, amu ohnu aakku dabmaama, danab amunu kobol amu hettoɗidtte. Danab nug keeke nakokib amge nug laa ehanadkkunu nuhig keekeppanu nakok madatte amu, Kayak noobppa am danab keeke kuɗum ele am nug laa ehanadkkunu nuhig keekeppanu keeke kuɗum madatte bia daatte.

2 Korint 8:12 ပူးပေါင်းရင်းမြစ်များ

2 Stori 6:8

Nug anam dabmeum, amge Yawe Nug da mamel Dawit amegppa aum. ‘Na mettid lag laa, da onil amuppa daakkunu buukkutnu dabmeme amu, dabmak nahip amuam ena,

Eksodas 25:2

“Israel ag ofa laa ⌊dahil mettid haknu peh lag hekkulagnu⌋ da meɗaglagnu amelagppa appe doyeg! Am danab ah anen anen ag keeke da meɗaglagnu oolag hette amu, ag keeke amu na medappeg, na dahil gamag danab daanna, dahil keeke amu awe!

Eksodas 35:24

Am danab ah laala ag silwa, o bras ele akkan, Yawe gumidna uɗin, Nug medappig amu, ag ofa anam henan heppig. Amu danab ag ad akasia ele, ag mettid haknu peh lag haknu akkan uɗippig.

Eksodas 35:29

Am Israel danab ah, ag oolag heum ele amu, ag keeke amu oh ɗo hamu mettaknu ofa hena, aon uɗin, Yawe medappig. Yawe Nug Moses oɗeppa ag uɗat digdig hekkulagnu ag amelagppa aum amunu, ag uɗat amunu keeke amu oh aon uɗippig.

Eksodas 35:5

Ag keeke aɗatteb oolagppanu amu, ag aun aɗi ag ofa laa gemu Yawe mettaglagnu oolag daatte, ag danab ah amu ag amu aon metteg! Keeke ag Nug mettaglagnu daatteb am inam: gol, silwa, bras,

Prowerb 19:22

Danab ag laa ag haen enappa, nauppa ele ag ahilagnu oo mauhaknab kobol dim lamidkkulagnu oolag daatte; na daɗek mak daakkut, amuam uugnab iitta, amge na hambuppuak danab daakkut, amuam nau.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

Matyu 25:22

Aria, danab nug talent aɗit awom nug ele doa aum. ‘Naɗi, na talent aɗit meɗame amu, da uɗat heinne, talent aɗit baula aomi,’ awa aum.

Luk 16:10

Am danab laa nug keeke nakok dabmedakkunu oo metta ii uuak kobolppa dabmedatte amu, aria geha nug keeke okkai ele oo meta ii uuak kobolppa dabmedakku. Amu danab nug keeke nakokppa uɗat tutukku haknu ii dootte, am geha nug keeke okkaippa uɗat tutukku haknu ele ii dooma.

2 Korint 8:11

Anam amunu, gemu ag uɗat amu hena, gog teig! Anukka uɗat amunu ag oolag paha ottaiom, anamib gemu ag amu hena maleg! Ag ahilag keeke gane amu melemelppa heig!

2 Korint 8:13

Ig Juda danab, gemu ag tutu mena daatteb ele amu, ag ena daappeg, ag Korint ag am eheɗ daaglagnu ii attem. Iitta. Ag oh keekenu laippu eleleib daaglagnu oonig daatte.

2 Korint 8:19

Amuib iitta. Kristen tamaniak danab ag nug ig ele oh oitta, ehanittak uɗat imu oh hekkunignu otippig. Ig uɗat imu oh hetata amu, ig Naɗi onig humagnignu, ig uɗat imu hekkunignu oo geɗak doottem amu ele danab ippunadkkunignu hettem.

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

1 Pita 4:10

Amu ag oh anen anen Kayaknu ɗo hamu mettak laa aoppig amunu, ag amuppa Kayak Nug ehanittak okkai hamu megakka, uɗat hekkunignu oo daatte bia lailkad ehanatteg!