2 Korint 8:10 - Nobonob Baibel

¹⁰ Imu dahil dabmak amu iikku ag amelagppa attem. Maɗ tumai ukkomppa ag Korint danab, ag ehanittak uɗat amu hekkulagnu, laa oh ii dabmeppig haenppa, ag digmen dabmeppig. Ag anam heppig, amu ag ele anuqna, men doɗo digmena bappaidppig.

2 Korint 8:10 ပူးပေါင်းရင်းမြစ်များ

Prowerb 19:17

Aun nug daɗek ehanadtte, amuppa nug Yawe keeke lon mettom bia hette; Yawe Nug nug heumnu nob ena eɗua medakku.

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Jon 11:50

Ag imunu dabmak iitai aoppig? Ig oh Rom eppegppa mauhkkunig dayeb am ena iitta. Yo, danab ah oh mauhkkulag dayeb am ena iitta, amge danab laippu laa nug danab ah oh abenlag awa mauhkku dayeb, amuam ena amunu, danab umu Nug mauhaɗ!” awa aum.

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 18:14

Kaiapas amu nugib tatam Juda okkai laa amelagppa inam aum. “Danab laippu laa nug danab ah oh abenlag awa mauhkku dayeb, amuam ena,” awa aum.

1 Korint 10:23

Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

1 Korint 16:2

Mettid ohppa ag oh anen anen Mettid deɗppa ag men doɗo mettid ukkomppa aoppig amu dabmettanna, ag laih otin laulagppa meppeg dayebeb, geha dimppa da gumatte goppi, ag men doɗo mattaglagnu mattiaknute henana, hik ii aqama.

1 Korint 6:12

Da keeke oh hekkulnu ib daatte, amge keeke oh da ii ehaniɗtte. Ge, keeke oh da hekkulnu ib daatte, amge da keeke laan begbeg maɗi nid ii daapa.

1 Korint 7:25

Aria, oɗmak ahilag laanu amu, danab ah ag ewau matulak ii aoppig ele, ahilagnu amu Naɗi Nug ɗo laa da akkulnu ii ippuniɗom. Da dahil dabmak madittem, amge Naɗi Nug dahilnu oo gai-iitta doya oo meɗa ehaniɗa, Nug da tituaniɗom amunu, nai da attem imu ag amunu oolagppa genab dooglagnu am elele.

1 Korint 7:40

Amge da dahil dabmak am inam. Nug danab laa awak uua, hamu daakku amu, nug gamag ahak aokku; amu gamag ahak amuam nug danab aolo, gamag ahalo, am gamag ahak amu eɗidkku. Amuam dahil dabmak, amge Kayak Ouɗi Nug ele anam maidtte bia doottem.

2 Korint 12:1

⌊Korint danab, ag beɗulagppa⌋ da dakka da danab nug nukka onig humak hette bia hekkulnunab daatte. Genab, onig humak kobol am ig ii ehanigtte, amge da tuleglegppa keeke lokkumak laala, Naɗi Nug da amelppa miag atiom amu, da amunu ele madikkulnu iikku hettem.

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

2 Korint 8:8

Da ami amuppa amu, da ag ɗo ii madattem. Iitta. Amge da danab laala ag uɗat pehettak hetteb ele andette, ag Korint ag aɗi heppeg ele anttena, da ahilag oo mauhak am keeke hamutai o iitta keeke genab eletai dookkul.

2 Korint 9:2

Aɗinu? Da ag uɗat amu hekkulagnu ag oolag geɗatte doottem amunu, da haen oh Makedonia danab noolagppa ag onilag hume, inam amelagppa attem. “Akaia danab Korint daatteb amu, ag maɗ tumai ukkomppa uɗat amu hekkulagnu bappaidppig.” Amu ag ehanittak uɗat imu hekkulagnu ɠagattag heegeg, Makedonia danab ag amu doona, kuɗumnab ag ele amu hekkulagnu oolag geɗatte.

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.