2 Korint 7:9 - Nobonob Baibel

⁹ Gemu da gamal ahatte. Da ag oolag uug dayom amunu, gamal ii ahatte. Iitta. Ag oolag uug dayom, amuppa ag oolag eɗuom amunu, da gamal ahatte. Kayak Nug haen danab hipunin hette, danab amu nug, “Da hipunin hemi,” doyaya, ooppa guittak dookkunu dabmette, amubia ag dooppig amunu, ihinig nai amu he, ag eheɗ laa ii aoppig.

2 Korint 7:9 ပူးပေါင်းရင်းမြစ်များ

Sam 38:18

Amu da eheɗ hak dahil miagib madittem. Da ool unuqagnab ele da hipunin heminu, da, “Gadonnab,” awe attem.

Eklisiastis 7:3

Mahiak am imak eɗidtte; amunu diig am danab nug mahiakppa butti aɗinu keeke dabmaama, oiyak nuhig hettoɗitte.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Matyu 3:8

Ag oolag eɗueb, kobol ena dim lamitteg!

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Luk 15:7

Amunu da ag amelagppa attem, amubia hab aabppa ag genab tutukku hak danab 99, oo eɗuak maɗi ahilag am heppig, ag amu dilagnu maɗoɗppan gamag ahak dootteb, amge hipunin danab laippu laa nug oo eɗueb, haen amuppa am maɗoɗppan gamag ahak naɗinab hab aabppa daakku.

Aposel 20:21

Da anam heinne amu, da Juda danab amu Grik danab ele ag oolag eɗueb Kayak dim lamidna, Naɗi Jesusnu ooppa genab dooglagoitte, da nai amu mehuqmi.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

2 Korint 2:16

Danab laala ag Kayaknu oolagppa genab ii dootteb, padal mekkulagnu oitteb ele amu, ag am muttuɗig ena otte amubia ii dootteb; ag eheɗ, mauhak beɗak uɗig otte anam bia dootteb, amge danab ag oolagppa genab doona, padal ii memananu oitteb amu, ag am muttuɗig ena otte amubia dootteb; ag am bau dayak muttuɗig dootteb. Ig anam bia daattem amge aun nug uɗat anam hekkunu elele? Ig oh am elele iitta.

2 Korint 7:8

Da doottem, yaak dahil tatamnu amu he, ag oolagppa guittak dooppig, amge amunu amu da oolppa uug eheɗ laa ii doottem. Genab, anukka amu da amunu oolppa uug doomi, amge gemu am iitta. Da doottem, yaak amu ag oolag guittak mattom, amge amu haen tutuib.