2 Korint 7:5 - Nobonob Baibel

⁵ Aɗinu? Ig uɗit Makedonia beta, ig beɗunigppa maɗoɗ laa ii dayom. Iitta. Ig daatta, adeppa adeppa neegmut amu, danab eheɗ heikkulagnu daappig anadmut. Ig beɗunig dimittim am nug qak dayeye, oonigppa baɗak digdig dayom.

2 Korint 7:5 ပူးပေါင်းရင်းမြစ်များ

Genesis 8:9

Amge le wan tona dayom amunu, uppuɗil beɗulag nakok nug dayak aben iittanu nug eɗua ukke, Noa nug eppeg bahie ukke, ai uɗie, nug awa, uub ooppa meum.

Job 18:11

Baɗak eheɗ nau nuhigppa baaba daatte; nug adeppa adeppa gotte, baɗaknu keeke beegeg, nug baɗaɗa oitte.

Aisaia 33:12

Danab ah, dahilad kekeɗ daatteb, ag nauhna autna aoglag; aab aɗu he, kin eɗua ka daatte, amubia. Danab ah ag keeke qaɗaiettaknab huan ewawa iitta mette, amubia danab ah ag nauhkkulag.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 45:3

‘Na ame. “O dahilnu gadonnab gadon. Aɗinu? Yawe Nug he, guittak dahil dayom amu, gemu guittak amu aakkuib ii daatte. Iitta. Gemu da oo doyak okkai ele doottem. Da gayeye, beɗul bahi ye, hik awe ena daakkulnu ib laa iitta,” ’ aon ame,” awa aum.

Jeremaia 6:25

⌊Kekeɗ amu uɗippeg, nau aomnanu nai inam daakku.⌋ Kekeɗ ag qep elab ele, ag heeg, baɗak nau, guittak ele aben ohppa daatte amunu, ag aab dimittim aib goppig! Ag ib aon, laih aib goppig.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Aposel 20:1

Oqottilag ahom amu iitta me, Pol nug Kristen onilagppa e gumidna uɗieg, nug nai laala ɠagattag aqakkunu amelagppa awowa, uuatta gokkunu dayaya, “Ena dayeg!” awowa, nug aha Makedonia ukkom.

Rom 15:26

Aɗinu? Prowins Makedonia, Akaia ele, danab appanu ag Kayaknu danab ah oppiaawak ele Jerusalem daatteb, ag keekenu tutu men daatteb amu, ag ag ehanadkkulagnu keeke nakok laa qagmaadna, ag meppeg gokkunu maidppig.

1 Korint 15:31

O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.

1 Korint 16:5

Da tatam Makedonia oppaten gokkulnu dabmettem amunu, da anam oppaten ukkoya, geha da ahilagppa ana tekkul.

2 Korint 2:13

amge da ool maɗoɗ ele ii daami. Aɗinu? Da layal Taitus da nug ii anidmi amunu, da Troas danab uuatte, da ukke, Makedonia temi.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

2 Korint 2:9

Da ad uɗug anukka yaami amu, da ahilag kobol attemunab, da ag amelagppa nai keeke ohnu ain ippunadttem amu, ag nai amu dim lamidttebte o iittate, amu da dookkulnu yaami.

Galesia 4:11

Ag anam hetteb amunu, da ahilagnu uɗat okkai hemi ele, da amunu, “Da hamutai kakidmi,” ainne, baɗe daattem.

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.

1 Tesalonaika 3:5

Amunu da baula hamu daakkulnu elele iitta oolppa doyena, da ahilag ooppa genab doyak anidkkulnu Timoti mei ukkom. Da oolppa uug doomi. Aɗinu? Da eheɗ haknu oo eeɗak danab nug ag eheɗ hekkulagnu eeɗatte, ag oolag eɗuomtai dabmemi. Anam dayeb amu uɗat ig hemut ele amu hamu daalo.