2 Korint 7:15 - Nobonob Baibel

¹⁵ Taitus nug ag gumatta ukke, ag nuhignu oolag ena doonna, ag eheɗ laa hemananu baɗan, ag nug aon amu ag oh nuhig nai amu dim lamidppig. Ag anam heeg, nug ag anam heppig amu dabmaama, tatam nug ahilagnu oo mauhom, gemu nug ahilagnu oo mauha auta aotte.

2 Korint 7:15 ပူးပေါင်းရင်းမြစ်များ

Genesis 43:30

Anam awowa, nug amag anttomnu oo huan doyeye, gaakkunu paha aha, nug ag uuatta, lagnu oo laappa noa, lokkuma gayom.

1 King 3:26

Solomon nug anam aum, amge nid anignab nug nid nuhignu oo bodoetta le meum amunu, nug king amegppa aum. “O naɗi dahil, na nid amu aib qeme! Nid amu ah umu mette!” awa aum. Amge ah laa am nug aum. “Iitta. Da aib meɗame, nug ele aib mettame. I oh am nid amu ii aomɗa, na nid amu gamagppa oppate!” awa aum.

Esra 10:9

Danab okkai ag nai amu meeg ukke, deɗ ewam amu ooppa Juda, Benyamin ele danab ag oh uɗin, Jerusalem appa qagmeppig. Ag uɗin qagmena, ag oh kalam eblaih waɗeleppa, deɗ 20ppa ag Kayak laug noobppa, haɗap-ppa daan, ag kobol eheɗ heppig, amu gu ele naana dayom, diig aɗit amunu ag oolagppa uug nau dooppig

Esra 9:4

Da eheɗ nau doyen, dabmak huanak awewe, da heɗep nein daaiyi ukke ukke, tueb hanhan doɗ laa main Kayak medatteb, haen amu uɗie, da eɗue ahe daami. Amge haen da heɗep nein daaiyi, danab ah laa ag Kayaknu ebehilag oh bodoetta le mette ele, ag Israel danab ah Kayak ippunikkomnu oo metta ii uuak kobol ii dim lamidna oittebnu uug doon, ag diig amunu ag uɗin, da taliliɗna daappig.

Job 21:6

Haen da keeke imunu dabmettem, da baɗak okkainab doottem; da beɗul eheɗ hahaɗtte.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Solomonnu Ahi 5:4

Da anam awoya daaiyi, da gamul, dahilnu oo mauhtte ele, nug od matulkkunu heum; nug anam heehe amu, da ool gamag eheɗnab ahom, ⌊amge qakkak daye, matulkkunu elele iitta⌋.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Hosea 13:1

Anukka, Israel dilag huu okkai laa, ag Israel dilag huu okkai Epraim dilagnu baɗan hahaɗppig. Ag Epraim dilagnu, “Ag binalag ele,” dooppig. Amge danab ah Epraimnu ag kayak hambuppuak Bal noobppa dup nona binag mena, hipunin heppig amunu, ag nauhppig daatteb.

Jon 16:21

Ah nug nid menukkunu haen male, nug guittak dootte, amge nug nid menuowa, nug baula guittak ii dabmette. Aɗinu? Nug nid menue doum amunu, nug maɗoɗppan gamag ahak dootte.

Aposel 16:29

A amu maniguittak gumak danab nug doya, amahlaknu ewa, maniguittak lag ooppa noa, nug ottaia baɗaɗa, nug Pol, Silas ele baelahppa na qeum.

1 Korint 2:3

Anukka da ukkai, ag ele daamut, haen amuppa da oolppa elele ii doyen, da uɗat pehettak ii heppi, meu elele ii bemanu ool baɗa auta awom.

2 Korint 2:9

Da ad uɗug anukka yaami amu, da ahilag kobol attemunab, da ag amelagppa nai keeke ohnu ain ippunadttem amu, ag nai amu dim lamidttebte o iittate, amu da dookkulnu yaami.

2 Korint 6:12

Ig ahilagnu amu ig oonig mauhtte ippunadttem, amge ag ihinignu oolag mauhtte amu, ag amu ig ii ippunigtteb.

Epesus 6:5

Begbeg maɗi nid ag wan imuppan gumak danab ahilkad dilagnu ena elele doon, ag ⌊Kayaknu neekkakppa eheɗ hemanananu ag⌋ baɗan, oɗelag dim lamitteg! Ag oolag aɗitppa uɗat aib heppig. Ag Kristus oɗe dim lamidtteb, amubia ahilkad okkai dilag ele anam heig!

Pilipai 1:8

Kayak Nug Jesus Kristus ihinignu oo mauhak dootte, amubia da ahilagnu oo mauhak doye, da ag anadkkulnu ool okkai daatte amu, Nug dootte; Nug ab dooglagnu elele.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

2 Tesalonaika 3:14

Am laippu laa nug nai ig uɗug imuppa yaamut imu dim ii lamitteb anidna, ag danab amu dab mena, nug uuidna piɗe dayeg! Ag anam heppeg, geha nug nuhig kobol eheɗ amunu uɗa nekku.

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.