2 Korint 7:13 - Nobonob Baibel

¹³ Kobol eleleib ahilagppa daatte anidmut, amu diig amuppa ig oo ɠagattag qettak doottem. Ig diig amunu oo ɠagattag qettak doottem, amge amuib iitta. Keeke laa ele daatte. Amuam ag oh Taitus ɠagattag qettaegeg, nug gamag ahom, ig amu anidta, amu ig amunu ele enanagnab doottem.

2 Korint 7:13 ပူးပေါင်းရင်းမြစ်များ

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Rom 15:32

Anam dayeb amu Kayak Nug ele oo dayeb amu, da maɗoɗppan gamag ahak ele ahilagppa wain, ag ele haen tutu laa daapput, ig oh nug oo ɠagattag qak doognig.

1 Korint 12:26

Beɗu laih laa nug guittak dootte dayeb amu, beɗu laih laa oh ag ele guittak aotteb. Beɗu laih laa nug binag ena ele daatte dayeb, beɗu laih laala oh ag ele maɗoɗppan gamag ahak dootteb.

1 Korint 16:13

Ag Korint danab ag ib apiɗidna eheɗ gomananu amu, ag dabmettan autna aona, ag ahilag ooppa genab doyakppa ɠagattag daan, ag ooppa ɠagattag dayak ele daanna, ɠagattag ele dayeg!

1 Korint 16:18

Ag da oo maɗoɗ meɗappig. Tatam danab ewam amu ag Korint appa ag ele daanna, ag ag oo maɗoɗ madappig, amubia ag da oo maɗoɗ meɗappig amunu, ag danab anam amu onilag humeg!

2 Korint 2:13

amge da ool maɗoɗ ele ii daami. Aɗinu? Da layal Taitus da nug ii anidmi amunu, da Troas danab uuatte, da ukke, Makedonia temi.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

2 Korint 7:14

Da anukka Taitus amegppa ag hettebnu ag onilag humami, amu ag anamib ena heppig amunu, da uɗal ii nette. Iitta. Nai oh ig ag amelagppa mehuqmut am nai genab dayom, anamib aakku ig Taitus noobppa ag onilag humamut, am nai amu oh ele am genabib.

2 Korint 7:15

Taitus nug ag gumatta ukke, ag nuhignu oolag ena doonna, ag eheɗ laa hemananu baɗan, ag nug aon amu ag oh nuhig nai amu dim lamidppig. Ag anam heeg, nug ag anam heppig amu dabmaama, tatam nug ahilagnu oo mauhom, gemu nug ahilagnu oo mauha auta aotte.

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

Pilipai 2:28

Kayak anam heum amunu, da nug eɗue ahilagppa meppi gokkunu dabmak okkainab aottem. Aɗinu? Nug ukkeb, haen ag nug anidna, ag oolag gamag aheb, da amu dooppi amu, doyak amuam dahil ooppa uug doyak ele qeeb nekku.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

Pilemon 1:20

Ao layal, Naɗi onigppa na dahil dabmak dim lamidkkutnu oɗ medattem. I oh am Kristusnu daattep amunu, na kobol amuib heppe, da ool ena daakku.

Pilemon 1:7

O layal, na Kayaknu danab ah oppiaawak ele dilagnu oot mauhe ehanadna, ɠagattag aqame amunu, da maɗoɗppan gamag ahak, okkai oo ɠagattag qak ele nahipnu doottem.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!