2 Korint 7:10 - Nobonob Baibel

¹⁰ Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

2 Korint 7:10 ပူးပေါင်းရင်းမြစ်များ

Genesis 30:1

Haen Rahel nug ah mattoi oiya, Jakop nid ii metta antta, nug Leanu, dahilppa anam daalon dabmak aɗa daya, nug Jakop amegppa aum. “Na nid meɗe! Iitta amu, da mauhkkul,” awa aum.

2 Samuel 12:13

Natan nug anam Dawit amegppa a, Dawit nug aum. “Da Yawe, nuhigppa hipunin aakku hemi,” awa aum. Awa a amu, Natan nug ⌊Dawit nug oo eɗua auta autanab awe doya, nug⌋ aum. “Yawe Nug hipunin nahip aakku uhuqa mettom. Na ii mauhmana,

2 Samuel 13:4

Jonadap nug hanhan oo hak nuhig am anam awawa oiyom, Amnon nug beɗu ena iitta anam daye, Jonadap nug antta, nug Amnon amegppa aum. “Na hanhan buttua ahan oittem, am na beɗun am gai-iitta oittem anidttem. Na king bekka, am aɗinu na anam oittem? Na amunu diig da amelppa appe dookkulnu ool okkai daatte amunu, appe doye!” awa aum. Nug anam a, amu Amnon nug nob ma aum. “Da amal appinag Tamarnu ool mauhtte, ⌊amge ib iitta⌋,” awa aum.

2 Samuel 17:23

Ag anam mataɗppig, amge Ahitopel nug Apsalom nug nuhig ulum nai ii dim lamittom antta, nug donki nuhig gomeppa dayaknu keeke qakka, nug donki attan ta nug appag diigppa gokkunu ukkom. Nug ukka, nug laugppa Gilo appa teum. Nug ta, nuhig keeke oh babaitta mala, nug nugakka muɗi laa awa, baagppa qakke dayeye, nug beɗu aiha, nug mauhom. Nug anam he, ag nug gaɗa mamegnu boumak abenppa boumppig.

1 King 21:4

Jesril danab Nabot nug anam, “Da mamelad aɗi aulag wan ii medapa,” aum amunu, Ahap doya, nug amya, nug eɗua laugppa Samaria ukka, nuhig niiak abenppa niiaya, oo eɗue, gilil daatteppa ukke niiom; ee lanak uuom.

Sam 38:18

Amu da eheɗ hak dahil miagib madittem. Da ool unuqagnab ele da hipunin heminu, da, “Gadonnab,” awe attem.

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Prowerb 15:15

Danab ah ag laa dilag eheɗ hattak waappa daanna oitteb ele am gadonnab, ahilag deɗ oh am, deɗ ena iittaib; amge danab nug oo gamag ahak dootte, nuhignu deɗ oh am hobulnu deɗ bia daatte.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Prowerb 18:14

Oɗe danab nug, “Kayak ehaniɗeb, eɗue bau ahakkul,” dootte dayeb amu, nug anam doyeb ukkeb ukkeb, oɗe amu iitta mekkunu ameg mak hekkunu elele; amge oɗe danab nug ooppa na qak dootte, nug, “Eɗua bau ahakkulnu elele iitta,” dootte dayeb amu, nuhignu am gadonnab, nug ehanittak adeppanu aokku?

Eklisiastis 7:3

Mahiak am imak eɗidtte; amunu diig am danab nug mahiakppa butti aɗinu keeke dabmaama, oiyak nuhig hettoɗitte.

Jeremaia 31:9

Ag gaanna uɗiglag. Yo, ag unuqiɗppeppeg, da omladppi eɗun uɗiglag. Da ag le daugppa noolag awe anuqe goppi gokkunig. Yo, da ag ib laa tutukku, ib ena, baelag ii qekkulag eleppa omaladkkul. Aɗinu? Da Israel mameg daattem; Israel nug am dahil nid danab tatamnu daatte.” Yawe Nug anam awa atte.

Esekiel 7:16

Danab ah aun aɗi ag ii mauhkkulag amu, ag oolna, qaukoppa gona, appa ag oh anen anen ahilag hipuninnu dabmenana, uppuɗil beɗulag nakok ele oolnu noakppa daatteb, uppuɗil amu ag oo doyak ele gaatteb, danab ah ii mauhkkulag amu, ag amubia gaaglag.

Jona 3:10

King nug anam a, danab ah ag anam heeg, Kayak Nug amu antta, Nug ag ahilag eheɗ hak uuppig ele anatta, Nug ahilagnu oo bodoetta, le me, Nug he, ag padal ii meppig.

Jona 3:8

Laa ele amu, ag ohnab, danab, doɗ ele, ag lamen heɗiag ele maattak daana, ag Kayak amegppa ɠagattag unuqitteg! Aria, ag danab guittak nau mauhnoak mettak kobol, amu eheɗ hak laa oh ahilag uueg!

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Matyu 26:75

Matuk gaye amu Jesusnu nai Pita daugppa doum. Nai amuam inam. “Tuqan imuppa na dahilnu, ‘Da Nug ii doottem,’ aon, ewam batak akkut. Na haen ewam anam appe, geha matuk dawai nug gaakku.” Nai amu Pita daugppa do, nug dimittim ukka, huanaknab gayom.

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

2 Korint 12:21

Am da eɗue ag gumatte goppi, Kayak Nug ag matu hipunin heppig, Nug hipunin amu ippuniɗeb, ag noolagppa da uɗal nekkunu ool ii daatte. Geha da danab ah kuɗum ag hipunin digdig, kobol dubuttid ele, gappai kobol, hipaɗu ahak kobol ele heppig, ag amunu oolag ii eɗuom ele anttena amu, da amunu gaakkul, amge da anam antten gaakkulnu ool ii daatte.

2 Korint 7:9

Gemu da gamal ahatte. Da ag oolag uug dayom amunu, gamal ii ahatte. Iitta. Ag oolag uug dayom, amuppa ag oolag eɗuom amunu, da gamal ahatte. Kayak Nug haen danab hipunin hette, danab amu nug, “Da hipunin hemi,” doyaya, ooppa guittak dookkunu dabmette, amubia ag dooppig amunu, ihinig nai amu he, ag eheɗ laa ii aoppig.

Hibru 12:17

Aɗinu? Ag dootteb bia, dimppa Esau nug Aisak eppegppa itittak ena aokkunu heum, amge nug elele iitta dayom. Esau nug itittak ena aokkunu gayak huana heum, amge nug ib nakoknab laa ii anttom.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.