2 Korint 6:8 - Nobonob Baibel

⁸ danab laala ag ig oninig humaegeg amu danab laala ag am ig oninig aɗaeg notte eleppa, amu danab laala ag am nai nau ig dimunigppa mattiegeg, danab laala ag ig kobol ena hettem amunu maditteb eleppa, ig amu ohppa ig am Kayaknu maɗi nid daattem ippunadttem. Am laala ag ihinignu hambuppuak danab anam doigtteb, amge ig am anam iitta, ig nai genabnabib madittem.

2 Korint 6:8 ပူးပေါင်းရင်းမြစ်များ

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Mak 12:14

Ag gumidna gona amu ag appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem amunu, na keeke imunu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?

Jon 7:12

Danab ah kuɗumnab ag appa goppig ele, ag akka akka Jesusnu nai kuɗum madippig. Laa ag appig. “Nug am danab ena,” amge laa appig. “Nug am danab nau, nug danab ah kuɗum hambuppualadtte,” aon appig.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 16:39

Ag anam doona, ag gona, oo mak nai amelahppa ana, omalateg dimittim doeh amu, ag aa aab okkai amuppa ii daamya, aa ahai laih gokkulahnu oɗ matappig.

Aposel 22:12

Aria, appa danab laa dayom, nug onig Ananias. Nug am ɗo dim lamittak danab. Juda oh Damaskus daatteb ele, ag nuhignu ena elele dootteb.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Aposel 28:22

Amge ig na nakka nahip dabmak aɗa ameg ma dayak amunu attem daatte oɗenppa madippe doognignu oonig daatte. Ig doottem, aabaab ohppa danab ah ag Kristen dilag huunu nai eheɗ maditteb.” Ag anam aon Pol amegppa appig.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

Aposel 5:13

Anam amu, laa ag ag eheɗ ii hadappig. Iitta. Aabppan danab ah ag ahilagnu oolag enaib dayom.

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Rom 3:8

Aɗinu ig kobol ena bekkunu ig kobol nau ii hekkunig?” Laa nug anam akkutai, amge anam iittanab. Am elele iittanab, amge danab laala ag dahilnu baeg qak nai mattina, “Polnu nai ele anamib,” aon atteb. Amu dimppa geha Kayak Nug danab amu nob nau tutukku ahilag eheɗ hak eleleppa madakku.

2 Korint 1:18

Kayak Nug aɗi keeke hekkunu atte, Nug genab oo metta ii uuak kobol dim lamitta hette, amubia genab ig nai oh ag amelagppa attem amu ig ao, iitta ele, nai aɗit amu oh ouaqat-ta ii madittem.

2 Korint 11:21

Genab, ig am kobol danab amu ag hetteb bia ahilagppa laa iinab hemut amunu da, “Ig eheɗ hemut,” ii apa. Amge danab laa nug ɠagattag ma, nukka nuhigppa aɗi keeke onig humak medatte, nug amunu maditte amu, dahilppa ele anam daatte; da ele amunu madikkulnu elele. Gemu amu da dahil nai mattiak am danab nug Kayak dab-ii-maama ii dim lamidtte elenu nai mattiak bia madittem.

2 Korint 12:16

Nai amunu aakku elele, anam dayaɗ! Amge ag laala am dahilnu inam aon atteb. “Genab, nug ihinig keeke miag atiakppa amu ii aotte, amge nug nai ittag mattiak danab amunu, nug bubuittak kobol haaha, ig noonig yaaya eeɗigtte,” aon atteb.

2 Korint 4:2

Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

1 Tesalonaika 2:3

Mattiak ig mehuqttem ele, amuam dabmak hambuppuakppanu, o diig ena iittappanu, o bubuittak kobolppanu ele ii bette.

1 Timoti 3:7

Laa ele amu danab nug Kristen tamaniaknu gumak ikki danab daakkunu oo daatte amu, nug eheɗ heeb, uɗa nak guittak ele doya, nug Satannu uhuippa nomanu nug dimittim danab, ag noolagppa danab ena daakkuoitte. Anam iitta dayeb, nug ag noolagppa ele danab ena dayaɗ!

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

3 Jon 1:12

Demitrius nug kobol ena hette amunu, danab oh ag nug binag metteb. Doyak diig genabib am ele nug onig hume, attan tette. Ig ele nug binag mettem, amu na doottem, ihinig nai am genab.

Revelesen 3:9

Iikkud antte! Da heppi laa ag, ‘Ig am Juda,’ aon atteb, amge ag am Juda tutukku iitta, ag am Satannu daupib, ag geha na noomppa dup nokkulag, da nahipnu ool mauhtte ele dooglag.