2 Korint 6:16 - Nobonob Baibel

¹⁶ Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

2 Korint 6:16 ပူးပေါင်းရင်းမြစ်များ

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

Sam 90:1

O Naɗi, anukkanab uɗie uɗie, gemu ele amu, na ihinig ena dayaknu aben bia dayeye daattem!

Eksodas 20:3

Na da noolppa dup nona binal menana, aib kayak laa ele noobppa dup nona binag meme; daib na da noolppa dup nona, da binal mekkut.

Eksodas 23:13

Nai oh da ag matten, amelagppa ami amu, ag tutukku doon, dim lamitteg! Ag kayak hambuppuak aib unuqidnana, onilkad ele aib diippig. Amuam gunnab.

Eksodas 25:8

Aria laa amu, na danab ah amelagppa appe, ag ⌊oolagppan danab ag uɗat amu haknu doon autna aotteb ele, ag⌋ dahil mettid haknu peh lag heppeg, am geha da ag oolagppa daakkul.

Eksodas 29:45

Am geha da ag Israel oolagppa, ahilag Kayak daakkul.

Eksodas 34:14

Aɗinu? Da Yawe, da onil laa am Dahil Doya Laa Aomanu Doyak Aɗeɗe Daattem; da am Kayak, da dahilad dilagnu dahil doya laa aomanu doyak aɗe daattem amunu, ag kayak hambuppuak laa noobppa dup nona binag aib meppig.

Jeremaia 24:7

Da heppi, ag da Yawe, ag da dooiɗkkulagnu, ag oolag okkai daakku. Ag oolag eɗueb, ag meulag ohppa dahilnu daaglagnu oolag daakku amunu, ag dahilad danab ah daaglag, da ahilag Kayak daakkul.

Jeremaia 31:1

Amu Yawe Nug atte. “Dimppa, haen laappa amu, da Israel dilag aab ikki ohnu Kayak daappi, ag am dahilad danab ah daaglag,” awa atte.

Jeremaia 31:33

Amu Yawe Nug imu ele atte. “Anam amunu, nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Da ahilag Kayak daakkul, ag am dahilad danab ah daaglag.

Jeremaia 32:38

Ag dahilad danab ah daaglag, da ahilag Kayak daakkul.

Esekiel 11:20

Ag dahil ɗo iɗu iɗu pehettak dabmettan dim lamidkkulag. Ag dahil danab ah daappeg, da ahilag Kayak daakkul.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Esekiel 36:28

Da anam ehanadppi, ag ag mamelkad aɗi da ag wan mattami amu, ag wan amuppa daaglag. Ag dahilad danab ah daappeg, da ahilag Kayak daakkul.

Esekiel 43:7

Nug aum. “Danab bekka, aben imuam dahil sia kingnu aben, da daakkulnu aben iikku. Aben imuppa da Israel oolagppa hanhan daakkul. Israel ag, ahilag king ele ag baula kayak hambuppuak noolagppa dup nona binalag ii memana; ag ele ahilag king dottog aon qappan, amuppa ag da onil oppiaawak ele heeg, danab ah laa dilag neekkakppa nau dayom amu, ag amu baula ii hemana.

Esekiel 43:9

Anam, amge gemu Israel danab ah ag kayak hambuppuak noolagppa dup nona binalag mak uuna, ag ahilag king laala dottolkad ele binalag mekkulagnu uuppeg amu, da ag oolagppa hanhan daakkul.

Hosea 14:8

O Israel, ag dottolkad eppelagppa hak, ag amu dilagnu awaidna dayeg! Da aakkuib, ag dabmadette atognoadttem. Da am ad pain ena laa bia, ⌊ag da waalppa ena daaglagnu elele⌋. Ahilag meu wak am dahilppanu ahilagppa uɗitte.” Yawe Nug anam atte.

Hosea 2:23

Geha da dahilad danab ah ag ahilag wanppa dahilnu bappalatten maadkkul. Geha da laa da amelagppa, ‘Da ahilagnu oo bodoetta le mak kobol ii dim lamidpa,’ ami amu, da ahilagnu oo bodoetta le mak kobol hein ippuanattette, laa da ag amelagppa ‘Ag am danab ah dahilad iitta,’ ami amu, da ag amelagppa, ‘Ag am dahilad danab ah,’ appi, ag da amelppa dahilnu, ‘Na am ihinig Kayak,’ akkulag.” Kayak Nug anam aakku atte.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Sepanaia 1:5

Da heppi, laa ag laulkad koɗokko uɗem ukkakppa tena, appa ag aam, kalam, hoɗoppai ele dilagnu, ‘Umu ag am kayak laa,’ anana, ag amu noolagppa dup nona binalag metteb ele amu, ag oh nauhkkulag. Ao, da heppi, laa ag da, Yawe, ag da dim lamiɗtteb anan, ag da onilppa ele ahilag nai ɠagattag qettan atteb, amge ag kayak hambuppuak Molek onigppa ele ahilag nai ɠagattag qettan atteb amu, ag nauhkkulag.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Sekaraia 8:8

Ag eɗun, Jerusalem daaglagnu da omaladppi, ag eɗun uɗin daaglag. Ag uɗin dahilad danab ah daappeg, da ahilag Kayak daakkul. Da ahilagnu oo metta ii uuak kobol, nai doya mala hettoɗia epeɗia elele mettak kobol ele dim lamidkkul,” awa atte.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 6:24

Danab laippu nug gumak danab aɗit dilahnu uɗat hekkunu elele iitta. Am nug laanu oo mauhebeb, laanu amu nug ooppa nau ninig ele dookku. Doyaya, laaib amu nug dim lamittatta, laa amu dimedakku. Ag danab ah, ag Kayaknu uɗat, amu enub uɗat ele oh hekkulagnu elele iitta.

Luk 5:36

Amu Jesus Nug tuɗitta, keeke danab ag dootteb ii dootteb ele ouaqata ippuanatta, nai laa inam amelagppa aum. “Danab nug lamen qatti bau awa, lamen alagnu giɗo amuppa tona ii koit-tte. Iitta! Nug anam helo amu, dimppa nug lamen iheb, lamen qatti bau nug eɗua nakok eppa, lamen alag eeɗeb, giɗo okkai ele daakku. Ele amu lamen bau, lamen nau alag ele am nakok laippu iitta,” awa aum.

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

Rom 9:26

Amu Hoseanu nai laa am, “Aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.” Hosia nug Kayak oɗe anam awa yom.

1 Korint 10:21

Ag Naɗi, amu ouɗi nau ele ouqak daaglagnu elele iitta. Ge, ag Kristus, amu ouɗi nau ele laippu daaglagnu elele iitta.

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Duteronomi 5:7

Na da noolppa dup nona binal menana, kayak laa ele noobppa dup nona, aib binag meme; daib na da noolppa dup nona, da binal mekkut.

1 Timoti 3:15

Amunu diig am, da paha na gumitte ii goppi amu, na nai imu ebqena, na Kayaknu tamaniak attem tolidppe ena oiglagnu dookkut. Tamaniak am Kayak bauklelnu keeke, tamaniak am doyak diig genabib ukku, biidod ele daatte.

2 Timoti 1:14

Kayak Nug doyak diig genabib na mettom, Kayak Ouɗi, Nug ihinigppa daatte amu, Nug na ehanittebeb, na pehettak atogno!

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Hibru 8:10

Amu Naɗi Nug tuɗitta inam ele aum. “Nug tituana nai qakkak bau, da heppi, ag Israel danab ah, da ag ele haen amuppa hekkunig am inam. Da heppi, dahil ɗo oh ahilag dabmakppa daakku. Ao, da heppi, dahil ɗo oh ag oolagppa daakku. Geha da Kayak ahilag daakkul; ag am dahil danab daaglag.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.

1 Jon 4:12

Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

1 Jon 4:15

Laa nug Jesus am Kayak Bekka anana maditte ele, Kayak Nug danab amu nuhigppa daatte, amu danab amu nug ele Kayak nuhigppa daatte.

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.

Revelesen 21:3

Anam daye amu, da nai mattiak baag okkai sia king ⌊anuqak,⌋ amuppanu laa inam a doomi. “Gemu Kayak laug danab oolagppa daatte! Nug ag ele daaglag. Ag nuhig danab daaglag. Kayak Nug ag ele daaglag, amu Nug Kayak ahilag daakku.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.