2 Korint 6:14 - Nobonob Baibel

¹⁴ Laa nug Jesusnu ooppa genab dootte ele, nug laa, Jesusnu ooppa genab ii dootte ele, nug nug ele layamnab aib dayom. Amu elele iitta. Aɗinu? Genab tutukku hak kobol, amu nau hak kobol ele aa oh laippu ouaqataknu elelete? Amahlak amu gatatu ele oh laippu ouqettepte?

2 Korint 6:14 ပူးပေါင်းရင်းမြစ်များ

Genesis 24:3

na Yawe, Nug hab aabppanu Kayak, wanppanu Kayak ele daatte amu, na Nug onigppa nahip nai ɠagattag qena, na da bekkal wau Kanan danab, da ag oolagppa oittem, na ahilagppanu da bekkalnu ah laa ii aomna.

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

Sam 106:35

Ag anam ii heppig. Iitta! Ag danab ah Kayak ii dim lamidtteb ele, ag amu dilag ele ewau matulak awak hena, ag digmena, danab ah amu dilag kobol nau amu heppig.

Sam 119:63

Aun laa nug nahipnu ebehi oh bodoetta le mette, nug am da layal. Ao, aun laa nug nahip oo yaak nai ɗo bia, nug nai amu dim lamidtte, nug am da layal.

Sam 16:3

Amu Yawenu danab ah ag nuhignu oo metta ii uuak kobol dim lamidna ihinig wanppa daatteb, ag am danabnab, ahnab ele daatteb. Da ahilagnu enanagnab doottem.

Eksodas 34:16

Am laa amu, ag Israel ag danab ah amu ele nug tituanak hekkulag dayeb amu, haen ag ahilkad nid bau dilag ah huu amuppanu diiglag, am geha ah amu ag kayak hambuppuak ahilkad noolagppa dup nona binalag menana, ag ag gamulkad eeɗadppeg, ag da uuiɗna, kayak hambuppuak amu noolagppa dup nona binalag mekkulag. Kobol amuam dahil neekkakppa gappai aɗa oiyak kobol bia daatte,” awa aum.

Prowerb 22:24

Aib danab oppoɗilag paha paha bette ele layam batappig. Ao, na aib laa nug pahanab oo nauhtte, na nug ele daapiɗ.

Prowerb 29:27

Genab tutukku hak danab ag hambuppuak danab dilag ⌊kobolnu⌋ oolagppa uuaknab dootteb; nau hak danab ag genab tutukku hak danab dilag ⌊kobolnu⌋ oolagppa uuaknab dootteb.

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.

Malakai 2:11

Juda danab ah ag Kayaknu oolagppa genab doyak ahilag uuppig oitteb. Ao, Israel danab, Jerusalem danab ele ag kobol laa, Kayak Nug kobol amunu ooppa uuaknab dootte, ag kobol amu heppig oitteb. Aɗinu? Yawe, Nug nuhig mettid lagnu oo mauhtte, amu Juda danab ag laihnu ah, kayak hambuppuak noolagppa dup nona binalag metteb ele, ag amu ag waalkad daaglagnu diin oitteb, amuppa ag heeg, Kayaknu neekkakppa nug laug am dubuttid tak ele daatte.

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Aposel 4:23

Aria, danab okkai ag heeg, Pita, Jon ele aa goya, aa lailti gumadya goya, mana mettak danab okkai amu ikki danab ele ag hettoɗiakppa nai appig amu oh aeh dooppig.

1 Korint 10:21

Ag Naɗi, amu ouɗi nau ele ouqak daaglagnu elele iitta. Ge, ag Kristus, amu ouɗi nau ele laippu daaglagnu elele iitta.

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

1 Korint 5:9

Aria, da ad uɗug tatam ahilagnu yaami, amuppa da nai inam yaami. “Ag gappai danab ele aib tamanippig.”

1 Korint 6:6

Ag akka ag epeɗiak amu helob, amge iitta ag lailkad dilagppa nug yaak naippa hetteb amu, ag hettoɗiadkkulagnu ag danab Kristusnu oolagppa genab ii dootteb ele, ag ag noolagppa hettoɗiadtteb.

1 Korint 7:39

Amu danab ah ewau matulpiɗ amu, ah nug danab amu bau dayeye, aa ouqak laippu daaglahnu aakkuib dabmekku. Amge nug gamu mauhkku amu, nug danab laa aokkunu am ib oo nak iitta. Nug danab laa aokkunu oo daatte, nug danab amu aokkunu elele. Am nai iitta, amge nug danab laa nug ele Jesusnu ooppa genab dootte aakkuib aokku.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.