2 Korint 6:13 - Nobonob Baibel

¹³ Gemu da ag amelagppa attem amu, da danab nug bekkod dilagnu atte bia attem. Ag ihinig oo mauhak kobol nob mekkulagnu, ag ele ahilag oo mauhak ihinignu ippunikkeg!.

2 Korint 6:13 ပူးပေါင်းရင်းမြစ်များ

Sam 119:32

Na ⌊nahip ɗoppa⌋ diignu doyak tutukku dahil tuɗitte, okkai mette amunu, da nahip ɗo, gamag ahak ele dim lamidkkul.

Sam 81:10

Da, Yawe, ahilag Kayak, da aakkuib ag omalatti, ag Isip uun uɗippig. Ag oɗelag huana aaheppeg, da ag keeke ena ena oɗelagppa inadkkul.

Mak 11:24

Amunu ag keeke laa bekkunu unuqidnana, ag aottebnu oolagppa genab doonna, ag unuqidppig amubia ag aoglag.

Galesia 4:12

O lailad, da ag oitteb bia oimi amunu, gemu ag da oittem bia oiglagnu unuqadttem. Ag dootteb, da tatam digmein, Nai Ena ag amelagppa mehuqmi ele, haen amuppa da oɗe ele amunu, da ahilagppa nai mehuqmi, amge haen amuppa ag diig amunu ag dahilppa eheɗ laa ii heppig.

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

1 Tesalonaika 2:11

Ag dootteb, ig ag anen anen, danab laa nug bekkod bahi aqatte bia, ag bahi aqatta,

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

1 Jon 3:18

O nid naunau dahilad, ig oɗenigppa, o naippaib ig lainkad dilagnu oonig aib mauhom. Iitta. Ihinig hakppa, doyak diig genabib ippunikkakppa ele ig lainkad dilagnu oonig mauhaɗ!

1 Jon 3:7

O nid naunau dahilad, laa ag buppualadmananu ag dabmeig! Aun nug kobol tutukkuppa oitte, nug Kristus genab tutukku hak danab daatte, nug amubia aakku genab tutukku hak danab daatte.

3 Jon 1:4

Ao, dahilad nid ag haen oh doyak diig genabib dim lamidna oitteb doyen amu, da maɗoɗppan gamag ahak okkai aottem; maɗoɗppan gamag ahak laa am maɗoɗppan gamag ahak amu eɗidkkunu elele iitta.